• USD 389.52
  • EUR 429.21
  • RUB 6.07
  • CNY 54.94
28 Qańtar, 14:51:35
Qazaqstan Ýkraınanyń saýda naryǵyna alańdaýly

08 Qańtar, 2020 Saıasat

Toqaev Taıaý Shyǵystaǵy ahýalǵa baılanysty Aqordada keńes ótkizdi

Akorda.kz

Búgin, 8 jeltoqsanda Qazaqstan prezıdenti Qasym-Jomart Toqaev Aqordada Taıaý Shyǵystaǵy ahýalǵa baılanysty keńes ótkizdi. Aqorda saıtynyń jazýynsha, keńeske prezıdent ákimshiligi basshysy, premer-mınıstrdiń orynbasary, qaýipsizdik keńesiniń hatshysy, ulttyq qaýipsizdik komıteti tóraǵasy, syrtqy ister mınıstri, qorǵanys mınıstri, ishki ister mınıstri jáne qarýly kúshter bas shtabynyń bastyǵy qatysqan. 

Aqordanyń habarlaýynsha, syrtqy ister mınıstri Muhtar Tileýberdi men basqa da vedomstvo basshylary Taıaý Shyǵystaǵy qazirgi ahýal týraly baıandaǵan.

"Qazaqstan prezıdenti Parsy shyǵanaǵy aımaǵyndaǵy ahýaldyń kúrt shıelenisýine alańdaýshylyq bildirip, atalǵan is-qımyldarǵa qatysýshy taraptardyń barynsha ustamdylyq tanytýy qajettigin aıtyp, qaqtyǵystardy dıplomatııalyq ádis-tásildermen, eń aldymen, bul iske BUU aralastyra otyryp, sondaı-aq ekijaqty baılanystar men kelissózder arqyly retteý múmkin ekenin atap ótti.

Keńes qorytyndysy boıynsha memleket basshysy Qazaqstannyń Taıaý Shyǵystaǵy elshilikteri men ondaǵy qyzmetkerlerdiń qaýipsizdigin qamtamasyz etýdi, elimizdegi sheteldik dıplomatııalyq ókildikter men kompanııalar keńseleriniń qaýipsizdigin saqtaý úshin sharalar qabyldaýdy, memleketimizdiń ulttyq múddesine qatysty mańyzdy aqparattardy alý jáne taldaý jumystaryn kúsheıtýdi tapsyrdy. Halyqaralyq ahýaldyń shıelenisýi jaǵdaıynda Qazaqstannyń áleýmettik-ekonomıkalyq damý jáne qorǵanys áleýetin kúsheıtý máselelerine erekshe kóńil bólinedi" - delingen Aqorda taratqan habarlamada. 

3 qańtarda Irak astanasy Baǵdatta Iran ıslam revolıýsııasy korpýsynyń "Quds" arnaıy jasaǵynyń qolbasshysy general Kasem Súleımanı AQSh-tyń áýe shabýylynan mert bolǵannan keıin Iran men AQSh arasy odan saıyn ýshyǵyp ketken. Súleımanıdi óltirý týraly buıryqty AQSh prezıdenti Donald Tramp bergeni týraly aıtyldy.

Qańtardyń 8-i kúni Iran AQSh áskerıleri men koalısııa kúshteri shoǵyrlanǵan Iraktaǵy birneshe nysandy ondaǵan zymyranmen atqylaǵan bolatyn. "Olardyń arasynda Iraktyń batysyndaǵy ál-Asad jáne Erbıldegi baza da bar" dep habarlady Pentagon.

AQSh qorǵanys mınıstrliginiń resmı ókili Djonatan Hofman "bul zymyrandardy Irannyń jibergeni anyq" dedi. Ol shyǵyn mólsheri anyqtalyp jatqanyn aıtty.

AQSh-ta tirkelgen barlyq áýe kompanııalaryna Iran, Irak jáne Oman shyǵanaǵynyń áýe keńistiginen ushýǵa tyıym salyndy. 

Buǵan deıin Tegeran "Súleımanıdi óltirgen AQSh-tan kek alýǵa" ýáde etken. AQSh prezıdenti Donald Tramp "eger Tegeran AQSh-qa shabýyldaıtyn bolsa, Irannyń 52 nysanyna soqqy beriletinin" málimdegen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir