Almaty qalasy ákiminiń baspasóz qyzmeti
Almatyda balalar úıiniń balalaryna konkı tebýdi tegin úıretý aksııasy jalǵasýda.
Erekshe qajettilikteri bar jetim balalardyń mamandandyrylǵan «Januıa» kesheniniń tárbıelenýshilerine arnalǵan alǵashqy sabaq 28 gvardııashy-panfılovshylar saıabaǵynda ótti. Ár jastaǵy 30 bala tájirıbeli 15 nusqaýshynyń kómegimen konkı tebýdi bastady. Syrǵanaý kezinde shaı ishý úzilisi de boldy.
Uıymdastyrýshylardyń aıtýynsha, atalǵan sharanyń maqsaty – óskeleń urpaqty sportqa baýlyp, salaýatty ómir saltyn qalyptastyrý.
Esterińizge sala keteıik, 20 jeltoqsannan bastap balalar úıiniń tárbıelenýshileri qalanyń tórt tegin muz aıdynynda konkı tebýdi úırenip júr. 2020 jyldyń kóktemine deıin balalar úıiniń 80-nen astam tárbıelenýshisin konkımen syrǵanaýǵa úıretý josparlanýda. Oqý kýrsy aıaqtalysymen balalarǵa syılyqtar beriledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir