24 Jeltoqsan, 2019 NEWS О́zgertý
sputniknews.kz
Qazaqstan prezıdenti Q.Toqaevtyń qaraýyna "Qazaqstan Respýblıkasynyń syrtqy saıasaty konsepsııasy" týraly zań jobasy kelip tústi. Onda syrtqy saıasatqa baılanysty bastamalar tuńǵysh prezıdent Nursultan Nazarbaevpen kelisilýi tıistigi jazylǵan, dep habarlaıdy Qamshy.kz aqparat agenttigi ehonews.kz saıtyna silteme jasap.
Qujatta eldiń syrtqy saıasatynyń negizgi baǵytyn Elbasy aıqyndaıdy dep atap ótilgen.
"Memlekettiń ishki jáne syrtqy saıasatyndaǵy negizgi baǵyttar boıynsha jasalatyn bastamalar QR tuńǵysh prezıdenti – Elbasymen kelisiledi, delingen zań jobasynda.
Buǵan deıin, 9 qazanda "Qazaqstan Respýblıkasy prezıdentiniń keıbir aktilerine ózgerister men tolyqtyrýlar engizý týraly" jarlyǵy shyqqan. Oǵan saı, prezıdent ózine tikeleı baǵynatyn jáne esep beretin organdardyń basshylaryn taǵaıyndamas buryn qaýipsizdik keńesiniń tóraǵasymen kelisýi kerek. Olardyń qataryna prezıdent ákimshiligi, bas prokýratýra, ulttyq qaýipsizdik komıteti, ulttyq bank, respýblıkalyq gvardııa, "Syrbar" syrtqy barlaý qyzmeti, prezıdenttiń kúzet qyzmeti, respýblıkalyq bıýdjettiń atqarylýyn baqylaý jónindegi esep komıteti, prezıdent isteri basqarmasy, sybaılas jemqorlyqqa qarsy is-qımyl agenttigi kiredi.
Bul jarlyqtan soń qoǵamda qosbılik máselesi tóńiregindegi áńgime órshı túsken.
Qate tapsańyz, qajetti bólikti tańdap ctrl+enter basyńyz.
Kóp oqylǵandar
Pikir qaldyrý
pikir