"Altyn dombyra" aıtysynyń 2019 jylǵy jeńimpazy men júldegerleri anyqtaldy

Oralda eki kúnge sozylǵan jyldyń qorytyndy aıtysy - "Altyn dombyranyń" jeńimpazy anyqtaldy. Bılik partııasy "Nur Otannyń" demeýshiligimen ótken aıtysta almatylyq aqyn Rústem Qaıyrtaıuly jeńimpaz atanyp, syılyqqa altyn jalatylǵan dombyra men 4 mıllıon aqshalaı syılyq aldy. Ol aqtyq fınalda  "Altyn dombyra" eki dúrkin jeńimpazy qyzordalyq Muhtar Nııazovpen aıtysty. Qazylar Qaıyrtaıulyna da, Nııazovqa da teńdeı qylyp 90 upaı berdi. 

Qaıyrtaıuly keshe alǵashqy aınalymda oraldyq Talǵat Myqımen aıtysty. Ol qazylardan eń joǵary upaı  (upaı) alyp, búgingi fınaldyq aıtysqa joldama alǵan. Fınaldyq aıtysta Qaıyrtaıuly oraldyq Jansaıa Mýsınamen aıtysyp, taǵy da qazylardyń eń joǵary upaıyn ıelendi. 

Birinshi oryndy qyzylordalyq Muhtar Nııazov ıelenip, 2 mıllıon teńge aqshalaı syılyqpen marapattaldy. Sonymen qatar Nııazov "Aıtys aqyndar men jyrshy-termeshilerdiń halyqarlyq odaǵy" qoǵamdyq birlestigi 2017 jyldan beri taǵaıyndap kele jatqan "Aıtystyń aqtanger" tósbelgisin aldy.

Ekinshi oryndy almatylyq Qaziret Berdihan men qostanaılyq Jansaıa Mýsına aldy. Olarǵa 1 mıllıon teńge aqshalaı syılyq berildi. Úshinshi oryndy qaraǵandyqlyq О́mirjan Kópbosynov, qostanaılyq Aıbek Qalıev ıelendi. Olardyń árqaısyna 700 myń teńgeden aqshalaı syılyq berildi. 

Tarazdyq aqyn Qanat Myrzahan, pavlodarlyq Aspanbek Shuǵatev, nursultandyq Ásem Erejeqyzy arnaıy júldemen marapattaldy. Qalǵan aqyndardyń barlyǵyna qatysqany úshin aqshalaı syılyq berildi.

 Bıylǵy "Altyn Dombyra" aıtysyna barlyǵy 20 aqyn qatysty. Keshe, 16 jeltoqsanda aıtystyń alǵashqy aınalymy ótip, 10 aqyn aqtyq aıtysqa joldama alǵan edi. 

Alǵashqy aınalym:

2-jup: S.Qusanbaev (ShQO) 82 upaı — A.Qalıev (Arqalyq) 88 upaı;

3-jup: B.Asqarov (Nur-Sultan) 82 upaı — Á.Erejeqyzy (Nur-Sultan) 90 upaı;

4-jup: Sh.Sezimhan (Almaty) 85 upaı —  A.Shuǵataev (Pavlodar) 88 upaı;

5-jup: Q.Myrzahan (Taraz) 87 upaı — A.Kerimbek (Aqtóbe) 85 upaı; 

6-jup: О́.Kópbosynov (Qaraǵandy)  90 upaı — J.Maratbekova (ShQO) 82 upaı; 

7-jup: H.Berdihan (Almaty) 87 upaı — B.Baıtýov (Túrkistan) 86 upaı;

8-jup: R.Qaıyrtaı (Almaty) 90 upaı — T.Myqı (Oral) 84 upaı;

9-jup: B.Shırmedınuly (Oral) 86 upaı- D.Qamı (Qaraǵandy) 86 upaı, (qazylardyń sheshimimen fınaldyq kezeńge B.Shımedınuly ótti);

10-jup: M. Nııazov (Qyzylorda)  90 upaı — Sh.Izbasarov (Atyraý) 82 upaı. 

Fınaldyq aıtystyń nátıjesi tómendegideı:

1-jup: О́. Kópbosynov (Qaraǵandy) 87 upaı — Q. Myrzahan (Taraz) 86 upaı;

2-jup: R. Qaıyrtaı (Almaty) 90 upaı — J. Mýsına (Oral) 88 upaı;

3-jup: H. Berdihan (Almaty) 90 upaı — A. Shuǵataev (Pavlodar) 83 upaı;

4-jup: M. Nııazov (Qyzylorda) 90 upaı — B. Shırmedınuly (Oral) 82 upaı;

5-jup: A. Qalıev (Arqalyq) 87 upaı — Á. Erejeqyzy (Nur-Sultan) 86 upaı;

Sýper fınal: 

Muhtar Nııazov (Qyzylorda) 90 upaı — Rústem Qaıyrtaıuly (Almaty) 90 upaı;

"Altyn dombyra" aıtysy bıyl segizinshi ret ótip jatyr. Buǵan deıingi jyldyń qorytyndy aıtystarynda Muhtar Nızov pen Jandarbek Bulǵaqov eki retten bas júlde alsa, Aspanbek Shuǵataev, Balǵynbek Imashev, Jansaıa Mýsına syndy aqyndyr bir retten jeńimpaz bolǵan.