• USD 389.52
  • EUR 429.21
  • RUB 6.07
  • CNY 54.94
22 Qańtar, 12:36:41
Qazaqstan Ýkraınanyń saýda naryǵyna alańdaýly

11 Jeltoqsan, 2019 Barlyq aımaqtar

Qoǵam belsendilerinen hat: «Munyń arty jaqsylyqqa aparmaýy múmkin!»

Mınıstr Aımaǵambetov bul máseleni sheshedi degen oıdamyz

shattyk38.kz/

 

Qamshy.kz aqparat agenttiginiń elektrondyq poshtasyna qoǵamnyń bir top belsendilerinen hat kelip tústi. Onda qoǵam belsendileri Bilim jáne ǵylym mınıstri Ashat Aımaǵambetovpen arnaıy kezdesip, máseleniń mán jaıyna tereńirek úńilýdi suraıdy. Al mınıstrge baǵyttalǵan hatta ne jazylǵan?

«Elordamyzdaǵy úzdik atymen mınıstrliktiń senimin tolyqtaı aqtaı bilgen MKQQ №38 «Shattyq» ortalyǵynyń jabylýy kúrdeli máselege aınalyp bara jatqanyn bilip, munyń arty jaqsylyqqa aparmaýy múmkin ekendigin eskerip, mán-jaıdy óz aýzyńyzdan estip, osy máseleniń betin ashyp alý maqsatynda sizben kezdesýdi suraımyz» delingen hatta.

qaǵaz

Al qoǵam belsendileri másele etip kóterip otyrǵan «Shattyq» balabaqshasynyń qandaı ereksheligi, artyqshylyǵy bar?

Arnaıy derek kózderinen bilgenimizdeı, «Shattyq» balabaqshasy ulttyq qundylyqtardy dáripteıdi, memlekettik tildi joǵary qoıady.

Mundaǵy ótkiziletin oıyn, trenıngter, mereke, oıyn-saýyqtardyń barlyǵy da ulttyq qundylyqtar arqyly júzege asyrylady.

Bul elordadaǵy búldirshinderdiń óz ana tilinde tálim-tárbıe alyp, qarakózderdiń ulttyń azamaty bolyp ósýine negiz qalap otyrǵan mektepke deıingi uıym.

2012-2019 jyldar aralyǵynda atalǵan ortalyqta ortasha eseppen alǵanda, 600-700 shamasynda balalar tárbıelenip, bilim alǵan eken.

Munda tárbıeshilerdiń aldy 30 jyl, al jastarynyń óziniń 4-5 jyldyq eńbek ótili bar.

Tipti bul balabaqshanyń arnaıy saıty da jumys istep tur. Saıttan «Boztorǵaı, «Qarlyǵash», «Qaraqat», «Túımedaq», «Láılek», «Qyzǵaldaq», «Aqqý», «Bulbul», «Juldyzdar», «Aqbulaq», «Aqqaıyń» dep atalatyn ártúrli jastaǵy búldirshinderge arnalǵan toby bar ekenin de bildik.

«Shattyq» balabaqshasyna balalaryn ornalastyrýǵa elordadaǵy kez kelgen ata-ana yntaly kórinedi.  

Olaı bolsa, 2010 jylǵy Elbasynyń jarlyǵynan keıin «Balapan» baǵdarlamasynyń aıasynda ashylǵan, búldirshinderge tálimdi tárbıe berip, jumys istep turǵan «Shattyq» balabaqshasy kimniń uıqysyn buzyp, mazasyn qashyrdy?

–Munyń artynda kim tur? Qarakózderdiń sany artyp, qazaq balabaqshasynyń sany kóbeıip jatqan tusta bul áreketti qalaı túsinýge bolady? Qazaqy tárbıe beretin balabaqsha kimniń kóz qurtyna aınaldy? «Shattyq» ortalyǵy kimniń shamyna tıdi? Nelikten eń úzdik qazaqı ortalyq jabylýy kerek? Biz Bilim mınıstri Ashat Aımaǵambetovpen kezdesip, munyń anyq -qanyǵyn, jaı-japsaryn naqty bilgimiz keledi,–deıdi ult janashyry Beıbit Tynymbaıuly.

 

 

Ilmek sózder: №38

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir