diapazon.kz
Batys Qazaqstan oblysy Tasqala aýylynda polısııa ınspektory jaıaý adamdy kólikpen qaǵyp, oqıǵa ornynan qashyp ketken. Bul týraly Tengrinews.kz saıty habarlady.
Saıttyń jazýynsha, Batys Qazaqstan oblystyq polısııa departamenti oqıǵa 2 jeltoqsan kúni tańǵy saǵat 6.00-de bolǵanyn málimdegen. Jaıaý júrginshi ruqsat etilmegen jerden ótip bara jatqanda polısııa qyzmetkeri "Nıva Shevrole" markaly jeke avtokóligimen ony qaǵyp ketken.
"Avtokólik júrgizýshisi Tasqala aýdandyq polısııa bóliminiń jol-tehnıkalyq ınspeksııasy tobynyń aǵa ınspektory Sáken Qojanov bolǵan. Qazir oǵan qatysty Qylmystyq kodekstiń "Jol qozǵalysy erejelerin buzý" jáne "Jol apaty bolǵan ornyn qashyp kettý" baptary boıynsha sotqa deıingi tergeý bastaldy. Jeke qaýipsizdik qyzmeti qyzmettik tergeý júrgizip jatyr", - degen oblystyq ishki ister departamentiniń ókili Aleksandr Pleshakov.
Sot-medısınalyq saraptamasy ınspektordyń qanynda alkogol bolmaǵanyn anyqtady. Qazir ol eshqaıda ketpeý týraly qolhatpen bosatylǵan.
Oblystyq densaýlyq saqtaý basqarmasynyń habarlaýynsha, 56 jastaǵy zardap shegýshi qalalyq kóp salaly aýrýhanaǵa jetkizilgen. Ol qazir jansaqtaý bóliminde jatyr. Jaǵdaıy aýyr.
Bul - sońǵy aıda BQO polısııa qyzmetkerleriniń qatysýymen bolǵan úshinshi jol apaty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir