06 Jeltoqsan, 2019 Barlyq aımaqtar

Angela Merkel qazaq ánurany oınalǵan kezde nege ornynan turǵan joq? (vıdeo)

Kanslerdiń bul áreketin qalaı túsinýge bolady?

Álemniń birqatar buqaralyq aqparat quraldary Qazaqstan prezıdenti Qasym-Jomart Toqaevtyń Germanııaǵa is-saparyna úlken mán berip jatyr. Toqaev sapar barysynda nemis kásipkerlerimen júzdesip, kansler Angela Merkelmen de kezdesti.

Bir qyzyǵy, Qazaqstannyń ánurany oınalǵan kezde Germanııa kansleri Angela Merkel ornynan turǵan joq. Tek Toqaev qolyn ádettegishe júreginiń tusyna qoıyp turyp Ánuranǵa qurmet kórsetti. Al nemis kansleriniń ornynan turmaý sebebin qalaı túsindirýge bolady? Bul qazaq ánuranyn qurmettemegendik pe? Joq olaı emes!

Aqıqatyn aıtý kerek, bul birinshi kezdesip otyrǵan oqıǵa emes. Naqty aıtsaq, ústimizdegi jyldyń maýsym aıynan bergi halyqaralyq kezdesýlerde nemis kansleri ánuran aıtylǵan kezde oryndyqta otyratyn bolyp júr. Qyrkúıekte Qytaıǵa, qarasha aıynda Úndistanǵa barǵan sátte de osy kórinis qaıtalandy. Bul jaǵdaı onyń densaýlyǵyna baılanysty ekeni sózsiz.

Eskerte keteıik, osydan birneshe aı buryn maýsym aıynda Angela Merkel Ýkraına prezıdenti Vladımır Zelenskıımen, odan keıin shildede Fınlıandııa premer-mınıstri Anttı Rınnmen kezdesýde Angela Merkel jaısyz sezinip, denesi qaltyrap, ózin ázer ustaǵany belgili. Sodan bergi resmı kezdesýlerde ánuran oınalǵan sátte nemis kansleri oryndyqqa otyryp júr.  

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir