Serikbaı Trumov turǵyndardy qabyldady

Biryńǵaı azamattardy qabyldaý kúni aıasynda Mańǵystaý oblysynyń ákimi Serikbaı Trumov turǵyndardy qabyldady. Bul shara Qazaqstan Prezıdenti Qasym Jomart Toqaevtyń Joldaýy aıasynda memleket pen halyqtyń arasynda ashyq dıalog ornatý maqsatynda respýblıka kóleminde ótkizildi.

Mańyzy zor sharaǵa Mańǵystaý oblysyndaǵy barlyq deńgeıdegi ákimder men memlekettik qyzmetkerler azamattardy jeke qabyldap, turǵyndarmen kezdesti. Negizgi maqsat – halyqpen ashyq baılanys ornatyp, kelip –túsken ótinish, suraqtaryna jaýap berý jáne jergilikti atqarýshy organnyń ókilderi azamattardy qabyldaý barysynda kóterilgen máselelerdiń oń sheshimin tabýǵa óz úlesin qosýy tıis. Esterińizge sala keteıik, qabyldaý sharasy týraly aldyn ala halyqqa habarlandy. Iаǵnı 15-16 qarasha kúnderi baılanys jelisi ashylyp, sonyń negizinde tizim ázirlengen bolatyn. Sol jeli arqyly habarlasyp, tizimge jazylǵan azamattar búgin ózderin mazalaǵan máselelerin ortaǵa salyp, tolǵandyrǵan suraqtaryn jetkizdi.

Qabyldaýǵa kelgen turǵyndar densaýlyq salasy, jumysqa ornalasý, baspanaǵa qol jetkizý, sondaı-aq ártúrli áleýmettik máselelerdi kóterdi. Qazirgi tańda oblys boıynsha ákimdikterdiń qabyldaýyna 317 adam tirkelse, oblys ákiminiń jeke qabyldaýyna júzge jýyq adam jazylǵan.