• USD 389.52
  • EUR 429.21
  • RUB 6.07
  • CNY 54.94
20 Qańtar, 07:56:01
Qazaqstan Ýkraınanyń saýda naryǵyna alańdaýly

21 Qarasha, 2019 NEWS

ShQO Ishki saıasat basqarmasy «Qazirgi jaǵdaıda jastarǵa áskerı-patrıottyq tárbıe berý» taqyrybynda dóńgelek ústel ótkizdi

2019 jylǵy 21 qarashada Shyǵys Qazaqstan oblysynyń Qorǵanys isteri jónindegi departamenti ShQO Ishki saıasat basqarmasy jáne «Progress katalızatory» jeke qorymen birlese otyryp, «Qazirgi jaǵdaıda jastarǵa áskerı-patrıottyq tárbıe berý» taqyrybynda dóńgelek ústel ótkizdi. Is-shara Jastar jyly jáne Qazaqstan Respýblıkasynyń Qorǵanys mınıstrligi bastamasymen ótkiziletin «El tiregi» aksııasy aıasynda uıymdastyryldy. Dóńgelek ústelge Qazaqstan Respýblıkasynyń Qorǵanys kúshteriniń ardagerleri men ofıserleri, úkimettik emes jastar uıymdarynyń, О́skemen qalasynyń joǵary oqý oryndaryndaǵy jastar ózin-ózi basqarý organdarynyń, sondaı-aq múddeli memlekettik organdardyń ókilderi qatysty.

Is-sharanyń shymyldyǵyn Shyǵys Qazaqstan oblysynyń Qorǵanys isteri jónindegi departamenti basshysynyń orynbasary, maıor Erlan Ramazanov ashty. О́z sózinde ol jastarǵa áskerı-patrıottyq tárbıe berý tek atalmysh dóńgelek ústeldiń kún tártibinde ǵana emes, búkil qazaqstandyq qoǵamnyń aldynda kese-kóldeneń turǵan ózekti másele ekendigin atap ótti. «Jahandaný ádemi, zamanýı sózder tiziminen shyǵyp, qazirgi jahandyq naqtylyqtyń sıpatty belgisine áldeqashan aınalyp úlgergen. Tórtinshi ónerkásiptik revolıýsııa kezeńine aıaq basqan jáne álemniń eń damyǵyn 30 eliniń qataryna qosylýdy mise tutqan Qazaqstanǵan jańa jaǵdaıda áreket etýge qaýqarly, óz bilimi men qarim-qabiletine senim artatatyn jastar qajet. Alaıda, jastardyń qundylyq baǵyttary tolyqqandy qalyptasyp úlgermegendigin de eskerýimiz shart. Bul oraıda olardyń bet túzer qubylasy, úlgi tutar tulǵasy, myna, biz, aǵa býyn ekendigimizdi umytpaýymyz tıis. Jastarǵa áskerı-patrıottyq tárbıe berýde, olardyń boıynda paryqsyz pańdyqtyń emes, namystyń, óz eli úshin maqtanysh seziminiń, adamgershilik pen ózge de jalpyadamzattyq qundylyqtardyń qalyptasýyna, eń áýeli, biz jaýaptymyz» - dedi Erlan Ramazanov.

Sonymen qatar, dóńgelek ústel jumysynyń barysynda Shyǵys Qazaqstan oblysynyń Qorǵanys isteri jónindegi departamentiniń aǵymdaǵy jyly atqarǵan jumysy tanystyryldy. Jastarǵa áskerı-patrıottyq tárbıe berýge baǵyttalǵan is-sharalar az bolǵan joq. Máselen, 2019 jyly 11-12 qazanda Jastar jyly aıasynda ShQO Ishki saıasat basqarmasymen jáne «Progress katalızatory» jeke qorymen birlese otyryp, «Ulan» áskerı-patrıottyq jáne azamattyq tárbıe berý ortalyǵynda ShQO ákiminiń syılyǵyna arnalǵan «Aıbyn» VI oblystyq áskerı-patrıottyq jıyndary ótkizildi. Is-shara áskerı-patrıottyq tárbıe berýdi damytýǵa, áskerı qyzmetti nasıhattaýǵa jáne Qazaqstan Respýblıkasynyń Qorǵanys kúshteriniń mártebesin arttyrýǵa baǵyttaldy. Baıqaýlar, prezentasııalar jáne sporttyq áskerı-qoldanbaly túrleri boıynsha túrli jarystar, áskerı kross, pnevmatıkalyq qarýdan atý jarysy, «Aıbyn daýysy» vokaldyq festıvali, áskerı estafeta uıymdastyryldy.

Is-shara aıasynda robototehnıka boıynsha «Meniń robotym» atty baıqaý jáne «IQazaqstan» zııatkerlik oıyny ótkizildi. Baıqaý nátıjeleri boıynsha Bas júldege «Jas qyran» toby (Semeı q.) ıe boldy. I orynǵa «Jas saqshy» toby (Jarma aýdany) taban tirese, II oryndy «Aıbyn» toby (Zaısan aýdany) aldy. Al «Jas búrkit» toby (О́skemen q.) III oryndy qanaǵat tutty.

2019 jylǵy 29-31 qazanda óskeleń urpaqty qazaqstandyq patrıotızm rýhynda tárbıelep, olardyń azamattyq sana-sezimin qalyptastyrý maqsatynda Semeı qalasynyń Sh.Ýálıhanov atyndaǵy «Jas ulan» daryndy er balalarǵa arnalǵan mamandandyrylǵan mektep-lıseı-ınternatynda «Alaý» oblystyq áskerı-sporttyq oıyndary uıymdastyryldy. Jarysqa   Shyǵys Qazaqstan oblysynyń qalalary men aýdandaryndaǵy «Jas sarbaz» mamandandyrylǵan synyptarynyń 7-8 synyp oqýshylary qatarynan 126 oqýshy qatysty.

Sonymen qatar, 2019 jylǵy 19-20 qarashada oblystyń 19 qalasy men aýdanynda áskerı-patrıottyq klýbtar men «Jas sarbaz» mamandandyrylǵan synyptarynyń ókilderine arnalǵan sheberlik synyptary uıymdastyryldy.

«Búgingi tańda Qazaqstan óz tarıhynda betburysty kezeńdi bastan keshirýde. Patrıottyq tárbıe berý jáne tarıhı sanany jańǵyrtý máseleleri óz mańyzdylyǵy boıynsha birinshi kezekke shyqty. Bizdiń aldymyzda mańyzdy mindet tur, ol – jastarǵa áskerı-patrıottyq tárbıe berý jáne jas, tabysty qazaqstandyqtardyń jańa legin qalyptastyrý» - dep óz sózin qorytyndylady Shyǵys Qazaqstan oblysynyń Qorǵanys isteri jónindegi departamenti basshysynyń orynbasary, maıor Erlan Ramazanov.

Sondaı-aq, dóńgelek ústel qatysýshylarymen Shyǵys Qazaqstan oblysynyń Ishki saıasat basqarmasy jastarmen jumys jónindegi bóliminiń basshysy Erkebulan Baltabekov, S.Amanjolov atyndaǵy ShQMÝ áskerı kafedrasynyń meńgerýshisi, zapastaǵy maıor Qundaqbaev Málik Muratbekuly, «Jas sarbaz» balalar-jasóspirimder áskerı-patrıottyq qozǵalysy» Respýblıkalyq qoǵamdyq birlestiginiń Shyǵys Qazaqstan oblystyq fılıalynyń jetekshisi Anjıkov Arystanbek Serikbekuly, Qazaqstan Respýblıkasynyń Qarýly kúshteri ardagerleri Keńesiniń Shyǵys Qazaqstan oblystyq fılıalynyń tóraǵasy Belıalov Tóken Júnisuly, D.Serikbaev atyndaǵy ShQMTÝ áskerı kafedrasynyń meńgerýshisi, zapastaǵy podpolkovnık Sálimjanov Batyrhan Seıilqanuly, Aýǵanstan soǵysy ardagerleri Keńesiniń Shyǵys Qazaqstan oblystyq fılıaly tóraǵasynyń birinshi orynbasary Samaltyrov Muhametalı Aıtpekuly, ShQO ISB «Jastar resýrstyq ortalyǵy» KMM dırektory Araılym Esimbekova óz oılarymen bólisti.

Atalmysh dóńgelek ústel jastardy tárbıeleý isi salasyndaǵy ózekti máseleler talqyǵa túsken, sonymen qatar, aǵa býyn jáne elge qyzmet etýdiń jarqyn mysaldar men qoǵam qalyptastyratyn ıdealdar negizinde tulǵa retinde qalyptasatyn qazaqstandyqtardyń jas tolqynyn bir máseleniń aınalasyna toptastyra bilgen ózindik alańǵa aınaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir