Almaty ákimdigi kásipkerlik qyzmetke almatylyqtardy keńinen tartýǵa basa nazar aýdarmaq. Bul týraly qala ákimi B.Saǵyntaev OKQ-de ótken brıfıngte málimdedi.

Shaǵyn jáne orta kásipkerlik jumys isteıtin 2/3 almatylyqty jumyspen qamtamasyz etedi jáne jınalǵan salyqtardyń 63%-yn ákeledi. Qala ekonomıkasyndaǵy ShOB-tyń róli shaǵyn bıznestiń KTS jergilikti bıýdjetke berilgennen beri mańyzy artty.

«Kásipkerlikti damytýdyń jańa «Almaty Bıznes 2025» biryńǵaı óńirlik baǵdarlamasy ázirlendi. Qalanyń bes aýdanynda «Qoldaý» kásipkerlik ortalyqtarynyń bólimsheleri quryldy. Munda bıznesmender «bir tereze» qaǵıdaty boıynsha memlekettik qyzmettiń 525 túrin ala alady. Bul – kórsetiletin qyzmetterdiń merzimin qysqartyp, qoljetimdiligin arttyrady», –  dep atap ótti qala ákimi Baqytjan Saǵyntaev.

Bıznes úshin qarjy resýrstarynyń qoljetimdiligin arttyrý maqsatynda «Almaty» ÁKK bazasynda jalpy kapıtaly 2019 jyly 3 mlrd. teńge bolǵan AlmatyFinance kompanııasy jáne «Almaty» mıkroqarjy uıymy quryldy.

Bul rette qalany teńgerimdi damytý úshin saralanǵan mólsherleme qoldanylady: kópbalaly ári az qamtylǵan otbasylar men ónerkásiptik parkterdiń rezıdentteri úshin 2%, al qalǵan aýdandar úshin 7%. ShOB jobalaryn ekinshi deńgeıli bankter arqyly qarjylandyrý úshin «Damý» qorymen birlesip tepe-teń negizde qosymsha 2 mlrd. teńge bólindi. Kelesi jyly osy baǵyt sheńberinde taǵy 10 mlrd teńge bólý josparlanýda. Sonymen qatar, jyl basynan beri memlekettik baǵdarlamalar (BJK-2020, AО́K) aıasynda 554 ShOB jobasy qarjylandyryldy, 4,4 mlrd teńge kóleminde sýbsıdııa tólendi. «Jalpy, ShOB qarjylyq qoldaýdyń jalpy kólemin aǵymdaǵy jyly 4,5 mlrd teńge, kelesi jyldan bastap 30 mlrd teńgege deıin jetkizý josparlanyp otyr», – dep atap ótti qala ákimi B. Saǵyntaev.

Jańa bastaǵan kásipkerler úshin, sondaı-aq áleýmettik osal sanattarǵa túrli formattaǵy oqytý kýrstary ótkiziledi. Qyrkúıek aıynan bastap motıvasııalyq kýrstar bastaldy. Oqýlar aǵymdaǵy jyldyń sońyna deıin 75 myń adamdy, al kelesi jyly 200 myń adamdy qamtymaq.

«Bastaý Bıznes», «Jas kásipker», «IskerAna» qalalyq oqytý baǵdarlamalary belsendi iske asyrylýda. 2000-nan astam kópbalaly ana kásipkerlik kýrstarynan ótti. О́z isin ashý úshin 155 adam grant pen 77 qural-jabdyq aldy. Osylaısha 230 kópbalaly ana óz isin bastady.

Jyl sońyna deıin kópbalaly analarǵa myńnan astam grant jáne jyldyq ústemesi 2% bolatyn 150-ge jýyq jeńildetilgen shaǵyn nesıe berý josparlanyp otyr. Bul jumys alǵashqy nátıjesin berip úlgerdi. Jumys istep turǵan ShOK sýbektileriniń sany 10 aıda 8,9%-ǵa ósip, 190 myńnan astam adamdy qurady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir