• USD 389.52
  • EUR 429.21
  • RUB 6.07
  • CNY 54.94
26 Aqpan, 14:09:22
Shyńjańdyq dúngen: Dereý qazaqtardan keshirim surańdar! (aýdıo)

21 Qarasha, 2019 NEWS

Almatyda kókenis baǵalary keler jylǵy sáýirge deıin turaqty bolady

Qala ákimdiginiń baspasóz ortalyǵynda Almaty qalasy kásipkerlik jáne ınvestısııalar basqarmasy jáne «Almaty» Áleýmettik-kásipkerlik korporasııasy AQ (ári qaraı ÁKK) basqarmasynyń ókilderimen brıfıng ótti.

Brıfıng barysynda ÁKK basqarma tóraǵasy Asqar Bilisbekov áleýmettik mańyzy bar azyq-túliktiń, eń aldymen halyq tutynatyn taýarlardyń baǵasy kúrt ósip ketpeýi úshin baǵany ustap turý sharalarynyń júrip jatqanyn habarlady.

Qazirgi kezde ÁKK áleýmettik mańyzy bar azyq-túlik taýarlarynyń baǵasyn ustap turý sharalaryn júzege asyrýda, olar – qalyptaǵy nan, un, sıyr jáne qoı eti, kókónis ónimderi.

– Qalada baǵany ustap turýdyń keshendi sharalary qolǵa alynǵan, ıaǵnı básekege qabiletti ortany qalyptastyrýǵa, azyq-túlikti tikeleı jetkizýge, baǵany turaqtandyrýdyń jańa tetikterine erekshe mán berilýde, – dep atap ótti Asqar Bilisbekov.

Nan jóninde aıtar bolsaq, búgingi kúni qalada nannyń aǵymdaǵy baǵasyn saqtaý týraly kelisimge qoljetti. Ol úshin un óndiretin «AizetFarms» JShS jáne nan shyǵaratyn – «Rýzı Nan», «Almaty Nan», «№7 nan zaýyty», «Altyn Bashaq» (ári qaraı NShK) syndy jetekshi kásiporyndarmen nan shyǵaratyn kásiporyndarǵa (NShK) 2020 jyldyń qańtaryna deıin 1 sortty undy úzdiksiz jetkizý týraly memorandýmǵa qol qoıyldy. Jetkizý kólemi – kem degende 3000 tonna, saralanǵan baǵa 115 teńge boıynsha ári buǵan ónimdi jetkizý de enedi.

О́z kezeginde NShK bir bólke nannyń baǵasyn 79 teńge shamasynda ustap turýǵa mindettendi. Atalǵan kásiporyndar kúnine kemdegende 30 tonna ónim shyǵarady, qalada qalypty nandy paıdalaný táýligine 15%-dy quraıdy.

Aıta keterligi, ÁKK men «Rýzı Nan» NShK 800 myń bólke kóleminde qalypty nan shyǵarý úshin turaqty qordan 348 tonna 1 sortty un jetkizý, daıyn ónimdi saralanǵan baǵa boıynsha (bir bólkeniń baǵasy 75 teńge shamasynda) satý týraly kelisimge qol qoıdy.

Osylaısha, respýblıkaǵa shaqqanda halyq pen onyń az qamtylǵan sanatyn nan ónimderimen qamtamasyz etýde almatylyq baǵa deńgeıi eń tómengi mólsherin saqtap qalýda.

Jetekshi saýda jelilerimen turaqty baılanys ornatý arqasynda negizgi kókenis ónimderiniń baǵalary (kartop, pııaz, sábiz, qyrqabat) 2019 jyldyń qazanynan 2020 jyldyń sáýiri boıynsha turaqty bolady. Atalǵan ónimderdiń baǵa dálizi bólshek saýdadaǵy baǵadan 15-20%-ǵa tómen.

О́ndirýshilermen birlesip jumys júrgizý nátıjesinde 1 kg. sıyr etiniń baǵasy 1900 teńge deńgeıinde qalýda. Jalpy somasy 100 mln. teńgeden asatyn 60 tonnadan astam ónim satyldy. Baǵany ustap turýǵa jergilikti jerlerdegi «jeksenbilik jármeńkelerdiń» ótýi oń yqpal etýde. Olarǵa aıyna 240 myńnan astam tutynýshy kelýde, al taýar aınalymy 6 mlrd. teńgeden astam.

«Magnum Cash&Carry» JShS kelisim jasaldy, olar fermerlerden egistik bastarynda kókónisterdi satyp alady, durys saqtaıdy jáne az baǵa (7%) qosyp satatyn bolady. Kelisimde eń tómengi bólshek saýda baǵalary qalyptasqan, kartop (jeltoqsanda 110 tg/kg, sáýirde 145 tg. deıin/kg), sábiz (132 tg/kg jeltoqsanda, 162 tg. deıin/kg sáýirde), pııaz ( 108 tg/kg jeltoqsanda, 130 tg/kg deıin sáýirde), qyryqqabat ( 148 tg/kg jeltoqsanda, 200 tg/k deıin sáýirde).

Sonymen qatar, «Alel Agro» AQ jáne «Skıf-treıd» JShS («Small» saýda júıesiniń operatory) kelisim jasalyp, memorandýmǵa qol qoıyldy. Onyń barysynda, «Small» dúkenderinde 2019 jyldyń jeltoqsanynan 2020 jyldyń sáýiri aralyǵynda satý baǵasy 797 tenge/kg deńgeıinde bolady. О́z kezeginde «Alel Agro» tońazytylǵan qus etin «Small» júıelerine 745 teńgeden ótkizgen bolatyn.

– Áleýmettik mańyzy bar ónimderdiń baǵasyn turaqtandyrý jóninde turaqty qor quryldy. Esepti kezeńde onyń qorynda jalpy baǵasy 722,5 mln. teńge bolatyn 2547,1 tonna ónim bar, onyń ishinde baǵasy 104,4 mln. teńge bolatyn 348,1 tonna qaraqumyq, 265,6 mln. teńgelik 699,03 myń lıtr suıyq jáne ósimdik maıy, 352,5 mln. teńgelik 1500 tonna qant ónimderi bar, sonymen qatar, baǵasy 430 mln. teńge bolatyn 2000 tonna qant jetkizý úshin fıýchersilik kelisim jasaldy, – dep atap ótti Asqar Bilisbekov.

Sonymen qatar, áleýmettik mańyzy bar azyq-túlikterdiń qosymsha baǵasyn 15%-dan arttyrmaý jóninde aýdandar ákimdikteri men 27 saýda sýbektilerimen («Magnum», «Small», «Ramstor», «Toımart», «Carefood», «Galmart», «Stolıchnyı», «Iýbıleınyı», «Chaıka» jáne basqalary) memorandýmǵa qol qoıyldy. Eger baǵa kúrt kóterilse nemese ónim tapshylyǵy baıqalsa, onda ÁKK óziniń jeke saýda ınfraqurylymdary jáne seriktesteriniń saýda júıeleri arqyly taýar ınventarızasııasyn jasaýǵa daıyn.

Jalpy, Almatyda baǵany ustap turý jaǵdaıy naryq konıýnktýrasy jáne ónim óndirýshi men jetkizýshi arasyndaǵy qaıshylyqty retteý mehanızmderi arqyly júzege asýda. Almaty qalasynda áleýmettik mańyzy bar azyq-túlik taýarlarynyń baǵasyn tómen deńgeıde ustaý odan ári saqtalady dep boljam jasaýǵa bolady, – dep qorytyndylady sózin Asqar Bilisbekov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir