Bıyl ınvestısııa kólemi eselep artqan

El ekonomıkasynyń irgetasy aýdandardaǵy jumystarmen qalanatyny belgili. Sondyqtan eldi mekenderdegi eńseli jumystar eshqashan eleýsiz qalǵan emes. Jambyl aýdanyna qarasty shalǵaı aýyldardyń ózinde búginde kóz toıarlyq jumystar kóp. Máselen Moıynqum aýdanynada keńestik kezeńdegi kelmeske ketkendeı kórsetkishter qaıta oralýda, dep jazady Qamshy.kz aqparat agenttigi. 

Máselen ónerkásip salasyna kelsek 2019 jyldyń qańtar-qyrkúıek aılarynda aýdannyń ónerkásip kásiporyndarymen 52,7 mlrd. teńgeniń ónimi óndirilip, naqty kólem ındeksi 97,1 paıyzdy quraǵan.

Onyń ishinde taý-ken óndirý ónerkásibi 6,2 mlrd. teńge, óńdeý ónerkásibi 46,5 mlrd. Teńge jáne sýmen jabdyqtaý ónerkásibi 25,8 mlrd teńgege jetken.

О́nerkásip óndirisiniń kóleminiń naqty kólem ındeksiniń tómendeýine bıylǵy jyldyń 9 aıynda óndirilgen sementtiń ótken jyldyń tıisti kezeńimen salystyrǵanda 120,7 myń tonnaǵa tómendegeni áser etken.

Sement óniminiń kem oryndaýly negizinen 2019 jyldyń 26 tamyzynda «KEGOC» AQ-nyń elektr qýaty isten shyǵyp ýaqytyly jumys atqarmaý sebebinen «Jambyl sement zaýyty» JShS 55,5 myń tonnaǵa sement kem óndirilgen jáne «ACIG» AQ Hantaý sement zavodynyń toqtaýynan oryn alǵan.

2019 jyldyń qańtar-qyrkúıek aılarynda negizgi kapıtalǵa salynǵan ınvestısııalardyń jalpy kólemi 16,0 mlrd. teńgeni nemese 2018 jyldyń tıisti kezeńimen salystyrǵanda 2,0 esege artty.

Bıylǵy jyly ınvestısııa kóleminiń aýdan aýmaǵynda Merke-Býryl-Baıtal tas joly qurylys bastalýynan kóbeıip otyr.

Esepti kezeńde jeke kásipkerlerdiń bólshek saýda kólemi 1,4 mlrd. teńgeni qurap, 2018 jyldyń sáıkes kezeńimen salystyrǵanda 27,3 paıyzǵa ósken.

Aǵymdaǵy jyldyń qańtar – qyrkúıek aılarynda barlyǵy 1262 shaǵyn jáne orta bıznes sýbektiler sany tirkelgen, olardyń 97 shaǵyn kásipkerlik sýbekti bolsa 1165 sýbekti jeke kásipker bolyp tirkelip otyr.

Esepti kezeńde barlyq shaǵyn jáne jeke kásipkerlik salasy boıynsha bıýdjetke túsken salyq kólemi 295,6 mln.teńgeni qurady.

Bul shalǵaı aýdandaǵy shalqyǵan sharýa. Kórsetkishter kóńil kónshitetini anyq. Ásirese sement óndirisi men ınvestısııa kóleminiń artýy el erteńine úlken senimmen qaratýda. Endeshe mereıli Moıynqumnyń berekesi kire bersin demekpiz!