Memleket basshysy Qasym-Jomart Toqaevtyń «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» Joldaýynan týyndaǵan mindetter Jambyl oblysynda da júıeli júzege asýda. Ásirese, mádenıet salasynda aýyz toltyryp aıtarlyqtaı jumystar atqarylýda. Oblys ákimdigi mádenıet, arhıvter jáne qujattama basqarmasynyń basshysy Dúısenáli Byqybaevtyń sózine súıensek, kelesi jyldan bastap ulttyń óneri men rýhanııatyna eńbek sińirip júrgen mádenıet qyzmetkerlerine memlekettik qoldaý eselene túsetin kórinedi.

–Joldaýdaǵy biz úshin eń mańyzdy jańalyq-Memleket basshysynyń mádenı sala qyzmetkerlerine laıyqty kóńil bólinbeı otyrǵanyn aıta kelip, eń aldymen kitaphana, mýzeı, teatr qyzmetkerleriniń aılyǵyn kóterý týraly sheshimi. QR Prezıdentiniń Jarlyǵymen bekitilgen jalpyulttyq is-sharalar Josparynyń 67-tarmaǵyn júzege asyrý boıynsha mádenıet jáne arhıv salasy qyzmetkerleriniń (3 065 adam) jalaqysyna eńbek ótili men laýazymyna qaraı 2020 jyldan bastap 35 paıyz qosylatyn bolady. Alaıda 35 paıyz qosymsha jalaqy tek A blogy men V blogy qyzmetkerlerine ǵana tıesili. Al S, D blogyndaǵy jáne tehnıkalyq personaldarǵa qosymsha tólemaqy qarastyrylmaǵan. Sondyqtan da bul másele qaıta qaralýda. О́z tarapymyzdan da naqty usynystarymyzdy jetkizdik.

Jalpy óńirde mádenıet salasynda S blogynda 295 (býhgalter, zańger, baǵdarlamashy, referenet jáne ózege de), D blogy boıynsha 92 (hatshy, mýzeı qyzmetkerleri jáne basqa da), 899 tehnıkalyq (kúzetshi, qyzmet úıin tazalaýshy, aýla sypyrýshy, kólik júrgizýshisi) personal qyzmet etedi, – degen Dúısenáli Dybysalyuly kelesi kezekte «Dıplommen aýylǵa» baǵdarlamasynyń salada jemisti júzege asyp jatqanyn aıtyp ótti.

Baǵdarlama júzege asa bastaǵan 2009 jyldan beri óńirge mádenıet salasy boıynsha 98 maman tartylǵan eken. Jetpis jeti qyzmetkerge 9 mıllıon 458 myń teńge kóterme járdemaqy tólense, qyryq maman turǵyn úımen qamtamasyz etilgen. Baıandamashy ásirese aýyl mádenıetiniń máýeleı túsýine úlken septigin tıgizip otyrǵan baǵdarlamanyń aldaǵy ýaqytta da tabysty júzege asa beretinine senim bildirdi.

–Mádenıet salasyndaǵy maman tapshylyǵyn joıýdyń birden-bir joly-mýzyka mektebin ashý. Buryn mýzyka mektepteri bolatyn. Biraq keıin barlyǵy óner mektebine aınaldy. О́ner mektebiniń aýqymy keń bolǵanymen kásibı maman daıyndaı almaıdy. Sondyqtan da aldaǵy ýaqytta kásibı deńgeıdegi mamandardy daıyndaıtyn mýzyka mektebin ashýdyń qajettiligi týyndap tur. Oblys ákimi Asqar Isabekuly da atalǵan máselege aıryqsha nazar aýdaryp, qala ákimine hattamalyq tapsyrma bergen bolatyn. Qazirgi ýaqytta mektepke ǵımarat qaralyp, aımaq basshysynyń tapsyrmasyna saı jumys júrgizilip jatyr. Eger ǵımarat tabylsa Jańa jyldan bastap mýzyka mektebi óz shákirtterin qabyldaı bastaıtyn bolady.

Mádenıet salasy qyzmetkerlerin turǵyn úımen qamtý da óte ózekti másele. Úkimet tarapynan qabyldanǵan naqty bir baǵdarlama bolmaǵannan keıin máseleniń túıinin tarqatýǵa qıynǵa soǵyp tur. Degenmen de keıingi bes jylda mádenıet salasynyń bes qyzmetkerine páter kilti tabys etildi. Eki azamatqa oblys ákiminiń qoldaýymen, úsh azamatqa oblystyq fılormonııanyń tapqan tabysy ebeninen alyndy. Jýyrda ǵana oblys ákimi men QR Mádenıet jáne sport mınstrligi Memorandýmǵa qol qoıdy. Memorandýmda turǵyn úı máselesi de kóterildi. Sondyqtan óńirdiń mádenıet salasynyń damýyna úles qosyp júrgen qyzmetkerlerdiń aldaǵy ýaqytta páter kiltine ıe bolyp, baspanaly bolý baqytyna keneletin ýaqyty alys emes dep oılaımyn, deıdi D. Dybysalyuly.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir