Polshanyń Katovıse qalasynda ótip jatqan Eýrovıdenııa-2019 balalar án baıqaýynda yńǵaısyz jaǵdaı oryn aldy, dep jazady informburo.kz.
Qatysýshylarmen olardyń ana tilinde sálemdesetin konkýrs júrgizýshisi Mateýsh Shımkovıak qazaqstandyq Erjan Maksımdi tanystyrǵanda onymen qazaqsha emes, grýzın tilinde amandasty.
Júrgizýshi sondaı-aq Erjannan bul konkýrsqa ne úshin qatysyp otyrǵanyn surady. Qazaqstandyq ónerpaz baıqaýdy udaıy qarap otyratynyn, qatysý armany bolǵanyn aıtty.
Ashylý saltanatynan soń jerebe tartylyp, qatysýshylardyń óner kórsetý reti anyqtaldy. Erjan Maksım sahnaǵa onynshy bolyp shyǵady.
Konkýrs fınaly 24 qarashada ótedi. Qazaqstandyqtar baıqaýdy "Habar" arnasynan tikeleı efır arqyly 21:00-de kóre alady.
Kórermenderden daýys 24-25 qarasha aralyǵynda fınal bastalǵanǵa deıin junioreurovision.tv saıty arqyly qabyldanady. Budan soń taǵy 15 mınýtqa daýys berýge múmkindik beriledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir