• USD 389.52
  • EUR 429.21
  • RUB 6.07
  • CNY 54.94
22 Qańtar, 12:54:55
Qazaqstan Ýkraınanyń saýda naryǵyna alańdaýly

15 Qarasha, 2019 NEWS

Shala týǵan shaqalaqtyń murny shirip túsip qaldy. Nege?

Mańǵystaý oblysynyń Munaıly aýdanyndaǵy perınataldyq ortalyqta arnaıy apparatqa qosylǵan sábıdiń murny bir tún ishinde shirip túsip qaldy – dep Qamshy.kz aqparat agenttigihabarlaıdy, KTK telearnasyna silteme jasap.

"Shala týylsa da, bir aıdaı balam sap-saý boldy", – deıdi anasy. Ol náreste jansaqtaý bólimindegi apparatqa qosylǵan soń osyndaı jaǵdaıǵa jetti degen senimde.

"Medbıkelerge bir kún buryn "qarańyz, mynaý jara bop jatyr" dep aıtqanmyn. "Eshteńe bolmaıdy" dep, eki medbıke qaramady. Bul sol kúni túnde bolǵan jaǵdaı. Dárigerler, medbıkeler kináli. Men ádildik ornaǵanyn qalaımyn. Balamnyń ómirimen oınady. Sábıdi qansha qınady", – deıdi náresteniń anasy Baqyt Beknazarova.

Murynsyz qalǵan shaqalaq tórt aıdan beri jansaqtaý bóliminde jatyr. Sodan beri anasy oblys pen elordaǵa shaǵymdy qarsha boratýda.

Perınataldyq ortalyqty teksergen oblystyq densaýlyq saqtaý basqarmasy jasandy tynys apparatynyń muryndy qajap, sodan sábıdiń názik terisinde jara paıda bolǵanyn jáne birden muryn nekrozyna ushyraǵanyn anyqtaǵan.

Bala jatqan bólimsheniń kezekshi dárigerleri men medbıkelerine túgel sógis te beripti. Az ýaqytta eki ret ota jasatqan náresteniń anasy endi moraldyq shyǵyn retinde ortalyqtan 10 mıllıon teńge talap etip, sotqa berdi.

Al perınataldyq ortalyq "báleniń bári sábıdiń anasy men sırek kezdesetin aýrýda" dep aqtalyp otyr.

"Balanyń anasy qaýyn men gazdalǵan sýsyn iship, nárestesin emizgen. Sodan ishek aýrýy qozyp, sábı jansaqtaý bólimine tústi. Aǵzasy álsiregen balada bet tinderin buzatyn "noma" degen sırek aýrý paıda bolǵan. Mundaı dıagnozdy Almaty men Nur-Sultannan arnaıy kelgen eki hırýrg ta rastap otyr. Áıtpese, qansha náreste aparatta jatyr ǵoı. Barlyǵy sap-saý", – dedi Mańǵystaý oblystyq perınıtaldyq ortalyǵynyń bólim meńgerýshisi Álııa Tasyrova.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir