Memleket basshysy Qasym-Jomart Toqaev 10 jastaǵy almatylyq oqýshynyń hatyn oqyp berdi. Hatta oqýshy jalpy bilim berý baǵdarlamasynan kúrdeli pánderdi alyp tastap, demalysyn uzartýdy ótindi.
"Evrazııa" telearnasynyń habarlaýynsha, prezıdent balanyń hatyn oqyp bolǵan soń, tıisti organdarǵa oqýshynyń barlyq suraqtaryna jaýap berýdi tapsyrǵan.
Kóp uzamaı 10 jasar Nurbaqyt Ǵalymjan qyzyqtyratyn suraqtarǵa Bilim jáne ǵylym mınıstri Ashat Aımaǵambetov Facebook-tegi paraqshasynda jaýap jazdy.
"Bilim mınıstrliginiń jumysy sizderdiń, Nurbaqyt pen sizdiń dostaryńyzdyń bilimdi adamdar bolyp ósýine, Qazaqstannyń damýyna óz úlesterińizdi qosýǵa baǵyttalǵan. Sonymen qatar, oqý josparynyń barlyq pánderi mańyzdy jáne basqa pándi bilmesten bir pándi oqý múmkin emes dep aıtqym keledi. Jaratylystaný – bul sizdi aınalańyzdaǵy álemmen tanystyratyn óte qyzyqty taqyryp. Al О́lketaný – sizdiń týǵan jáne ómir súrgen jerińizdiń tarıhy týraly aıtady", – deıdi mınıstr.
О́z kezeginde, Nurbaqyt Ǵalymjan hatyna jaýap bergeni úshin el prezıdentine jáne tıisti bólim basshysyna úlken alǵysyn bildirdi. Sondaı-aq kúrdeli pánderge basqasha qaraýǵa tyrysatyndyǵyn da aıtty.
Eske salsaq, almatylyq oqýshy Prezıdent Qasym-Jomart Toqaevqa hat jazyp, onda mereke kúnderin kóbeıtýdi, mektepte "Jaratylystaný" jáne "О́lketaný" pánderi oǵan qıyn bolatyndyǵyn jáne ony qajet emes dep alyp tastaýdy jáne mekteptegi sport seksııalarynyń tegin bolýyn surady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir