Merkilikter salaýatty ómir saltyn qoldaıdy

Jyl sanap salaýatty ómir saltyn ustaǵan merkilikterdiń sany artyp keledi.Búginde aýdan turǵyndarynyń 29,8 paıyzy turaqty túrde dene shynyqtyrý jáne sportpen shuǵyldanýshylardyń qataryna jatady. Bul oraıda olardyń aýdanda olarǵa qajetti sporttyq ınfraqurylymdar sany da arta túsken, dep jazady Qamshy.kz aqparat agenttigi. 

Qazirgi tańda aýdandaǵy sport nysandarynyń jalpy sany 215-ti quraıly. Onyń ishinde 1 stadıon, 36 sporttyq zaly, 13 arnaıy ornatylǵan sportzaldar, 12 atqysh tıri, 38 fýtbol alańy, 115 sporttyq alańshalary bar. Zaman aǵymyna saı strıtvorkaýtpen aınalysýshylarǵa 10 sporttyq alańsha qyzmet kórsetedi. Dál osy sporttyq nysandardyń múmkindigin paıdalanyp 25270 merkilik turaqty túrde sportty janyna serik etken. О́tken jyldyń esepti kezeńimen salystyrǵanda aımaqtaǵy sportpen shuǵyldanýshylar sany 584 adamǵa kóbeıgen. Jadpy dene shynyqtyrý jáne sportpen shuǵyldanýshy 6730 merkiliktiń jasy áli 14 jasqa tolmaǵan. Al qalǵan 13050 sportshy jastar sanatyna jatady. 29 jastan asqan sportshylardyń jalpy sany 5490 adamdy quraıdy.

Qazir aýdandaǵy №16, №17, №18 sport mektepteri men balalar aýla klýbtarynda 2010 oqýshy 13 sport túri boıynsha sportpen shuǵyldanady. Bul aýdandaǵy 7-18 jas aralyǵyndaǵy mektep oqýshylarynyń 13,4 paıyzyn qurap otyr. Aýdan sportshylary, Álem chempıonattary, halyqaralyq, Azııa, respýblıkalyq sporttyq saıystardan únemi jeńis tuǵyrynan kórinip keledi. Jyl basynan beri baıraqty básekelerde aýdan, oblys, respýblıka namysyn qorǵaǵan merkilik sportshylar 219 ret altynnan alqa taǵyndy. Al 248 sportshy jeńis tuǵyrynyń ekinshi satysynan kórinse, 397 sportshy qola medaldi jeńip alǵan.

Sport–álemdik arenaǵa eldiń atyn tanytýdyń quraly. Olımp shyńyn baǵyndyrǵan jeńimpazdar qurmetine onyń memleketiniń kók týy jelbirep, ánurany shyrqalady. Sol sebepten de táýelsizdiktiń alǵashqy jyldary-aq elimizde buqaralyq sportty damytýǵa aıryqsha kóńil ból. Bul oraıda jergilikti jerlerdegi sport nysandarynyń sany artyp, olardy bilikti bapkerler turǵyndardy sportqa baýlı bastady. Sáıkesinshe joǵary da keltirilgen derekter bul salaǵa Merki aýdanynda tıisti deńgeıde kóńil bólinetindigin ańǵartady.