• USD 389.52
  • EUR 429.21
  • RUB 6.07
  • CNY 54.94
28 Qańtar, 14:37:43
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Jeltoqsan aıynda Taraz qalasynda áleýmettik jaǵdaıy tómen otbasylarǵa 180 páterli 4 turǵyn úı paıdalanýǵa beriledi

Taraz qalasyndaǵy №5 «Qarasý» yqshamaýdanynda kóp balaly jáne áleýmettik az qamtylǵan otbasylarǵa arnalǵan ýaqytsha turǵyn úıler salý jobasy aıasynda 4 kópqabatty turǵyn úı salynyp jatyr. Qarqyndy qurylys jumystary jeltoqsan aıynda aıaqtalyp, joǵaryda atalǵan sanatqa jatatyn 180 tarazdyq otbasy Jańa jyldy janǵa jaıly jańa páterde qarsy alatyn bolady, dep jazady Qamshy.kz aqparat agenttigi. 

Oblys ákiminiń bastamasymen qolǵa alynǵan bul jobaǵa áleýmettik jaǵdaıy tómen, kóp balaly otbasylar qarjylyq ahýaly túzelip, óz páterlerine qajetti alǵashqy jarnany jınaǵanǵa deıin osynaý ýaqytsha baspanamen qamtamasyz etiledi.

Taraz qalasyndaǵy №5 «Qarasý» yqshamaýdanynda salynyp jatqan nysandy «áleýmettik jataqhana» ataǵa ketkenimen ondaǵy turǵyndarǵa jasalǵan jaǵdaı qarapaıym kópqabatty úılerden kem emes. Árbir páterdiń jeke asúı, jýynýǵa arnalǵan bólmesi jáne dárethanasy bar. Búginde alyp qurylys alańyna aınalǵan 4 kóp qabatty turǵyn úıdiń árqaısysynda 2 bólmeli 45 páter ornalasqan. Sáıkesinshe jyl sońyna qaraı munda turmystyń taýqimetin sezinip, baspanaly bolýdy kópten arman etken 180 tarazdyq otbasy qonys toıyn toılamaq. Nysan qurylysyna jaýapty «Bınom» jaýapkershiligi shekteýli seriktestiginiń atqarýshy dırektory Qýat Baqqaraev turǵyn úılerdiń jyl sońynda tolyǵymen paıdalanýǵa beriletinin aıtady.

–Biz qurylys jumystaryn qyrkúıek aıynyń ortasynan bastadyq. Qazir nysannyń barlyq 4 blogyndaǵy qurylys jumystary 60 paıyzǵa aıaqtaldy. Qurylysshylar turǵyn úılerdiń shatyryn jabý, syrtqy qasbetin jáne ishki árleý jumystarymen aınalysyp jatyr.

5 qabattan turatyn 4 turǵyn úıde 180 páter bar. Olardyń barlyǵyn kólemi 53,2-56,63 sharshy metr bolatyn 2 bólmeli páterler quraıdy.

Búginde nysanda 160 qurylysshy eńbek etip jatyr. Jumys kóleminiń aýqymdylyǵyna baılanysty bir-eki jumakóleminde olardyń qataryn taǵy 45-50 qurylysshy tolyqtyrmaq.

Turǵyn úılerdi Jańa jylǵa qaraı paıdalanýǵa berýge áleýetimiz tolyqtaı jetedi. Bir sózben aıtqanda áleýmettik jaǵdaıy tómen, kóp balaly 180 tarazdyq otbasy merekeni jańa páterde qarsy alatyn bolady,–deıdi Q.Baqqaraev.

Búgingi tańda oblys aýmaǵynda 612 páterli 12 jataqhananyń qurylysy júrgizilip jatyr. Mundaǵy 478 páterli 9 jataqhana jyl sońyna deıin paıdalanýǵa beriledi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir