«Aýyldyq jerlerdiń áleýmettik ortasyn jańǵyrtýǵa da kirisýimiz qajet. Osyǵan baılanysty arnaıy «Aýyl - el besigi» atty jobany júzege asyrý qajet. Bul arqyly qazaqstandyqtardyń jergilikti jerdegi eńbegine qatysty ıdeologııany qolǵa alýymyz kerek. Bul ákimshilikterdiń mindeti». Elbasy-Qazaqstan Respýblıkasynyń Tuńǵysh Prezıdenti Nursultan Nazarbaev 2018 jyldyń 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» dep atalǵan Joldaýynda osylaı dep atap kórsetken bolatyn.

Búginde jarqyn joba aıasynda Jambyl oblysynda da ilkimdi ister atqarylýda. «Aýyl-el besigi» jobasy boıynsha usynylǵan jobalardan Sarykemer aýylynda barlyǵy 948,0 mıllıon teńgege 29 joba iriktelip, búgingi tańda onyń 22 jobasy aıaqtalǵan. Al qalǵan 7 joba boıynsha jumys jalǵasýda. Al, Shý aýdany boıynsha barlyǵy 44 jobaǵa usynylyp, qazirgi kúni jobada jumystar aıaqtaldy. Oǵan jalpy 1 404,4 mıllıon teńge qarastyrylǵan bolatyn.

Jambyl aýdanynda «Aýyl-el besigi» jobasy qarqyndy iske asýda.

– Aýdanymyzda «Aýyl- El besigi» jobasy aıasynda quny 726 mıllıon 870 myń teńgelik 35 jobany iske asyrý qolǵa alynǵan bolatyn. Onyń ishinde: elektrmen jabdyqtaý boıynsha 8 jobaǵa 86 mıllıon 005 myń teńge, Asa aýylyndaǵy sý qubyry júıelerin aǵymdy jóndeýge 14 mıllıon 757 myń teńge, bilim nysandaryn jóndeý boıynsha 3 jobaǵa 149 mıllıon 533 myń teńge, sport nysandaryn jóndeý boıynsha 2 jobaǵa 175 mıllıon 809 myń teńge, jol jóndeý jumystaryna 21 jobaǵa 300 mıllıon 766 myń teńge bólindi. Búgingi tańda, 32 jobanyń (onyń ishinde 8 joba elektrmen jabdyqtaý, 1 joba sýmen jabdyqtaý, 2 joba bilim nysandary, 1 joba sport nysany, 20 joba jol jóndeý jumystary) qurylys jumystary tolyq aıaqtaldy. Budan bólek, 2 nysannyń (Asa aýyly, Abaı kóshesiniń boıyndaǵy M.Tólebaev atyndaǵy Saz mektebiniń ǵımaratyn kúrdeli jóndeý, Abaı kóshesin ortasha jóndeý) qurylys jumystary jalǵasýda, 1 nysan (Asa aýyly Abaı kóshesiniń boıynan ámbebap zaly bar sport-saýyq kesheniniń qurylysy) 2020 jylǵa ótpeli bolyp tabylady,-deıdi Jambyl aýdanynyń ákimi Baqyt Qazanbasov. Jalpy aıtqanda, 2020 jyly Qordaı, Merki, T. Rysqulov, Jýaly, Sarysý jáne Talas aýdandary aýmaǵyndaǵy 6 aýyl jańǵyrtylmaq. Al Moıynqum, Jýaly, Jambyl, Qordaı, Sarysý jáne Shý aýdandarynda joba 2021 jyly iske asyrylmaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir