Jańa baǵdarlama ázirlenip jatyr: endi kredıt barynsha qoljetimdi bolady

Úkimettiń búgingi otyrysynda "Bıznestiń jol kartasy - 2020" baǵdarlamasyn taǵy bes jylǵa uzartý máselesi qaraldy dep habarlaıdy Qamshy.kz aqparat agenttigi Sputnik Qazaqstan saıtyna silteme jasap. 

Ulttyq ekonomıka mınıstri Rýslan Dálenovtyń aıtýynsha, búginde baǵdarlamanyń bes jyldyq jańa jobasy ázirlendi. Oǵan 421 mıllıard teńge qarastyrylyp otyr. Ol buǵan deıingi bes jyldyq kezeńmen salystyrǵanda 1,5 esege artyq. Budan bólek, baǵdarlamanyń birqatar tusy ózgeredi.

"Birinshi, aınalym qarajatty kredıtteý kólemi 60-tan 360 mıllıon teńgege deıin ulǵaıady. Ekinshi, kredıtteý barynsha qoljetimdi bolady. Ol úshin mıkroqarjylandyrý uıymdarynyń kredıtterin sýbsıdııalaý jáne kepildendirý engiziledi", - deıdi Dálenov.

Onyń sózine qaraǵanda, jumyspen qamtý jáne salyq jaǵynan birqatar ózgeris bolady. Sosyn oqytý, qujat daıyndaý jáne taýarlardy ótkizý boıynsha kásipkerlerge jan-jaqty qoldaý jasalady.

Úkimet basshysy Asqar Mamın baǵdarlamanyń jańa jobasyn qarashanyń sońyna deıin qabyldaýdy tapsyrdy.

"Ekinshi, múddeli memlekettik organdarmen birge osy jyldyń sońyna deıin baǵdarlamany iske asyrý úshin qajetti normatıvtik aktilerdi qabyldaý qajet. Úshinshi, ákimdiktermen, "Atameken" palatasymen jáne "Damý" aksıonerlik qoǵamymen jańa baǵdarlamanyń tásilderi men múmkindikteri týraly kásipkerler arasynda aqparattyq-túsindirý jumystaryn júrgizińizder", - dep atap kórsetti Mamın.