• USD 389.52
  • EUR 429.21
  • RUB 6.07
  • CNY 54.94
29 Qańtar, 22:07:53
Qazaqstan Ýkraınanyń saýda naryǵyna alańdaýly

06 Qarasha, 2019 NEWS

Arýjan Saın Prezıdentke naýqas sábıler problemasyn aıtty

Prezıdent Qasym-Jomart Toqaev bala quqyqtary jónindegi ýákil Arýjan Saındy qabyldady – dep Qamshy.kz aqparat agenttigi habarlaıdy, Aqordanyń baspasóz qyzmetine silteme jasap.

Kezdesý barysynda balalardyń densaýlyǵyn saqtaý men áleýmettik qorǵaý, kámelet jasyna tolmaǵan jasóspirimderge zorlyq-zombylyq kórsetýge qarsy kúres sekildi qoǵamdaǵy ózekti máseleler talqylandy.

Baıandamada "Arýjan Saın shala týǵan ári retınopatııa aýrýyna shaldyǵý saldarynan zaǵıptyqqa ushyraǵan sábılerdiń problemasyn kóterdi. Respýblıka boıynsha orta eseppen 20 myńǵa jýyq bala shala týady. Onyń ishinde 4 myń balanyń salmaǵy jetilmeı dúnıege keledi", – delingen.

Bala quqyqtary jónindegi ýákildiń aıtýynsha, atalǵan máseleni sheshý úshin óńirlerdegi perınataldi ortalyqtar men perzenthanalar bazasynda tıimdi oftalmologııalyq járdem berý jumysyn uıymdastyrý qajet.

Odan ózge jergilikti atqarýshy organdarmen sapaly baılanys ornatyp, dıagnostıkalyq quraldarmen jabdyqtap, medısına qyzmetkerleriniń biliktiligin arttyrý kerek.

Sondaı-aq Arýjan Saın Qazaqstanda aǵzanyń fýnksıonaldyq múmkindikteri túziletin halyqaralyq klassıfıkasııany jedel engizýdiń mańyzdy ekenin atap ótip, onyń BSP-ǵa shaldyqqan, estý, kórý jáne basqa da aýrý belgileri bar balalardyń problemalaryn júıeli sheshýge yqpal etetinin aıtty.

Al Memleket basshysy balalardyń quqyqtary men densaýlyǵyn saqtaý isi asa mańyzdy ekenine toqtalyp, bul máseleni árdaıym ózi jiti baqylap otyratynyn atap ótti.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir