Abaı aýdanynda aýqymdy ister kóp

ShQO Abaı aýdanynyń ákimi Jarqynbek Baısabyrov aýdannyń áleýmettik-ekonomıkalyq damýy jóninde baspasóz máslıhatyn ótkizdi.

Aýdannyń ónerkásip ónimderin óndirý kólemi 2 144,9 mln. teńgeni qurady. Qańtar-maýsym aılarynda aýyl, orman jáne balyq sharýashylyǵy ónimderiniń (qyzmetteriniń) jalpy shyǵarylymy 20 810,2 mln teńgeni qurap, al aýyl sharýashylyǵy ónimderiniń naqty kólem ındeksi 105,9% mólsherinde qalyptasty.

23 996,7 tonna et, 30 665,6 tonna sút, 1 034,4 myń dana jumyrtqa óndirildi. IQM – 68 089 bas, qoı men eshki – 160 119 bas, jylqy – 40 364 bas. 

Aǵymdaǵy jyldyń toǵyz aıy ishinde 2 107 sharshy metr turǵyn úı paıdalanýǵa berildi. Qurylys jumystarynyń kólemi 707 mln teńgege oryndaldy.

Búginde tirkelgen shaǵyn bıznes kásiporyndarynyń sany 39, onyń ishinde jumys istep turǵandary – 31. Aýdan bıýdjetine 466 735,6 mln. teńge jeke tabys túsken.

Jumyssyzdar sany 249 adamdy qurap otyr. Bul jalpy sannyń 3,4 paıyzy. 110 jańa jumys orny berilip, 469 adam jumysqa ornalastyryldy. Aqyly qoǵamdyq jumystarǵa 271 adam jiberildi.

Sondaı-aq Jarqynbek Baısabyrov Abaıdyń 175 jyldyǵyna daıyndyq barysy týraly aıtyp berdi.

Aqshoqy qystaǵynda aqynnyń ákesi Qunanbaı О́skenbaıuly murajaıyn salýǵa daıyndyq jumystary júrgizilýde. Bul jer qazaqstandyqtar men sheteldik qonaqtardyń nazaryn aýdartpaq. Osylaısha, týrıster uly qazaq oıshylynyń ómiri týraly kóbirek bilýge umtylady.

Esterińizge sala keteıik, Shyǵys Qazaqstanda Abaı Qunanbaıulynyń mereıtoıy aıasynda respýblıkalyq, oblystyq jáne aýdandyq deńgeıdegi 330-dan astam is-shara josparlanǵan. Olardy júzege asyrýǵa 880 mln teńge qarastyrylǵan.

Semeı qalasynyń aqparattyq ortalyǵy