Armenııa, Qyrǵyzstan, Reseı kólikterin 1 qańtardan bastap turaqty tirkeýge qoıý mindettelýi múmkin dep habarlaıdy Qamshy.kz aqparat agenttigi Qazaq radıosy saıtyna silteme jasap.
Qazir kólik salasyndaǵy zańnamaǵa ózgerister men tolyqtyrý engizý jumysy qolǵa alynǵan. Bul týraly Qazaq radıolarynyń Jańalyqtar qyzmeti habarlady. Kólik tasymaly týraly zańǵa ózgerister men tolyqtyrýlar engizýdi qolǵa alǵan depýtattardyń biri Pavel Kazansev kedergilerdiń barlyǵy joıyldy, endi bul máseleni retteýge bolady degen pikir aıtqan. Aıta ketý kerek, bir top Májilis depýtaty bul máseleni buǵan deıin de rettemek bolǵan. Atap aıtsaq, jyl basynda «Kólik tasymaly týraly» zańǵa ózgerister men toqytyrýlar engizilddi. Alaıda ol kezde shetelden keletin kólikterge qatysty normada depýtattar men memlekettik organdar ortaq ustanymǵa kele almaǵan.
«Ol kezde bizde kúsh-qurylym organdary men memlekettik mekemelerdiń jáne arnaıy qyzmetterdiń bazasyn sáıkestendirý múmkindigi bolmady. Qazir bul másele sheshildi, ıaǵnı baza sáıkestendirildi. Endi biz syrttan zańdy túrde kólik alyp kelip júrgen azamattardyń quqyǵyn buzbastan jańa tártipti aqyryndap engize alamyz»,- deıdi depýtat Pavel Kazansev.
Parlament Májilisi depýtatynyń aıtýynsha elge kirgen sheteldik kólikterdi mindetti tirkeýdiń merzimi 10 kún bolyp bekýi múmkin. Osy jáne ózge de jańashyldyqtar zańǵa bıyl enedi dep josparlanǵan. Demek 1 qańtardan bastap sheteldik kólikterge qatysty naqty quqyqtyq tetikter jumys isteı bastaıdy.
«Buǵan deıin talqyǵa túsken normalardyń mazmuny azdap ózgerdi. Qarasha aıynda zańǵa ózgeris engizý bastamasyn kóteremiz. Olar qabyldansa 1 qańtardan bastap kúshine enedi. Ol boıynsha tirkeý birden júzege asady, ıaǵnı kelgen kólik quqyqtyq turǵydan retteledi. Al turaqty tirkeý 10 kúnniń ishinde rásimdelýi kerek degen bastama talqylanýda. Biraq munyń barlyǵy ázirge talqylanyp jatqan máseleler»,-deıdi Pavel Kazansev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir