• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:51:37
Qazaqstan Ýkraınanyń saýda naryǵyna alańdaýly

22 Qazan, 2019 Aımaqtar

Oblys turǵyndarynyń 30 paıyzy sportpen shuǵyldanady

Jambyl oblysynda dene shynyqtyrý jáne sportpen júıeli túrde shuǵyldanýshylar sany 337 myń 3 adamǵa jetti. Sáıkesinshe bul óńirde Qazaqstan Respýblıkasy Prezıdenti Qasym-Jomart Toqaevtyń halyqqa arnaǵan Joldaýyndaǵy buqaralyq sportty damytý tapsyrmasyn tııanaqty oryndaýdyń barlyq múmkindikteri bar ekendigin kórsetedi, dep jazady Qamshy.kz aqparat agenttigi. 

Búginde sala mamandary oblys turǵyndarynyń 30 paıyzy salaýatty ómir saltyn ustanatynyn rastaıdy. Árıne bir kezderi chempıondar ustahanasy sanalyp, halyqaralyq sporttyq arenada tolaıym tabystarymen qýantqan jambyldyqtar úshin bul qalypty kórsetkish sanalady. Ári bul kórsetkishtiń naqty túzilgeni kóńil qýantady.

–О́ńirdegi dene shynyqtyrý jáne sportpen júıeli túrde shuǵyldanatyn, salamatty ómir saltyn ózderine bala kúnnen serik etken jastardyń sany 147,8 myń adamdy quraıdy. Bul óńirdegi 14-29 jas aralyǵyndaǵy jambyldyqtardyń 55,9 paıyzy. Sonymen qatar, sportpen turaqty shuǵyldanatyn dene múmkindigi shekteýli azamattar qatary búginde 3018 adamǵa jetti. Bul óńirdegi jalpy dene múmkindigi shekteýli adamdardyń 8,7 paıyzyna teń kórsetkish.

Buqaralyq sportty damytýdaǵy negizgi kórsetkishtiń biri Jazǵy sport túrlerinen Qazaqstan Respýblıkasy Tuńǵysh Prezıdenti – Elbasy testilerin tapsyrýshylar sanynyń ósýin aıtýǵa bolady. Jyl basynan beri 392 myń 900 jambyldyq sporttaǵy eń joǵary synamany tapsyrǵan, –deıdi oblys ákimdiginiń dene shynyqtyrý jáne sport basqarmasynyń basshysy Nurbol Júnisbekov.

Halyqtyń buqaralyq sportqa kóptep ynta tanytýy úshin sporttyq nysandardyń qoljetimdiligin arttyrý basty másele. Aǵymdaǵy jylmen keler jyldy qosa alǵanda oblys aýmaǵyndaǵy qoǵamdyq oryndar men aýlalarda, saıabaqtarda 266 sport alańshasyn salý josparlanǵan. Onyń ishinde 174 alańshany aǵymdaǵy jyly paıdalanýǵa berý josparlansa búgingi kúnge 112 sport alańshasy iske qosylǵan. Al qalǵan 92 nysannyń qurylysy kelesi jyly aıaqtalmaq.

Halyqqa qoljetimdi oryndarda sporttyq alańshalardyń qurylysyn júrgizýden Merki aýdany kósh bastap tur. Esepti kezeńde munda 16 sporttyq alańsha paıdalanýǵa berilgen. Sonymen birge oblys ortalyǵynda da 14 jańa sporttyq alań qala turǵyndaryna qyzmet kórsetýdi bastady. Qordaılyqtar da salaýatty ómir saltyn qalyptastyrý isinde jańadan paıdalanýǵa berilgen 15 alańshanyń ıgiligin kórip jatyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir