Sporttyq nysandar halyqqa qoljetimdi bola tústi

Qazaqstan Respýblıkasy Prezıdenti Qasym-Jomart Toqaevtyń Qazaqstan halqyna arnaǵan Joldaýynda el turǵyndarynyń salaýatty ómir saltyn ustanyp, buqaralyq sportty damytýǵa aıryqsha mán bergeni málim. О́z kezeginde jergilikti jerlerde sportty damytyp, halyqty buqaralyq sportqa kóptep tartý úshin turǵyndardyń sporttyq nysandarǵa qoljetimdilik máselesin júıeli sheshý qajet. Jambyl oblysynda bul baǵyttaǵy jumystar joǵary nátıjege ıe, dep jazady Qamshy.kz aqparat agenttigi. 

О́ńir turǵyndary arasynda salaýatty ómir saltyn keń nasıhattaý arqyly olardyń sportqa degen qyzyǵýshylyǵyn arttyrýǵa jaýapty oblys ákimdiginiń dene shynyqtyrý jáne sport basqarmasy óz jumysynda oblys ákimimen bekitilgen 5 ındıkatorlyq kórsetkishke qol jetkizýdi maqsat etedi.

–Atalǵan ındıkatorlyq kórsetkishterdiń birinde jergilikti turǵyndarǵa sport nysandaryna qoljetimdi bolýy kórsetilgen. Aǵymdaǵy jyldyń 9 aıynda óńirdegi 2176 sporttyq nysanǵa qoljetimdilikti qamtamasyz etý josparlanǵan. Al búginde naqty 2406 nysanǵa turǵyndar úshin qoljetimdi bolyp otyr. Atalǵan nysandarda turǵyndardyń sportpen shuǵyldanýdyń arnaıy kestesi de jasalyp, olardyń qyzmet ýaqytysy, meken-jaıy syndy málimetter jergilikti buqaralyq aqparat quraldary men jáne basqarmanyń, Taraz qalasy men aýdan ákimdikteriniń resmı saıttarynda jarııalanǵan,–deıdi oblys ákimdiginiń dene shynyqtyrý jáne sport basqarmasynyń basshysy Nurbol Júnisbekov.

Sport nysandarynyń halyqqa qol jetimdi ete túsýde bilim berý uıymdarynyń sport zaldaryn ońtaıly paıdalaný tájirıbesi qarastyrylyp jatyr. Bul maqsatta oblys ákimdiginiń dene shynyqtyrý jáne sport, bilim basqarmalary arasynda jáne Taraz qalasy men aýdan ákimdikteri arasynda 3 jaqty Memorandým jasalynǵan.

Búgingi kúndi jalpy bilim beretin mektepterdiń kóbindegi sportzaldar jergilikti turǵyndardyń sporttyq nysandarǵa qoljetimdiligin qamtamasyz etkenimen bul kórsetkishti 100 paıyzdyq mejege jetkizý ońaıǵa soqpaı tur. Sebebi sport nysandarynyń keıbiri áskerı bólimsheler men áskerı qalashyqtarda, arnaıy ruqsatty qajet etetin bilim berý mekemelerdiń ǵımaratynda ornalasqan. Dál osy sebepten de olardy halyq kádesine tolyqtaı jaratý múmkin bolmaı tur.