Jańa álipbı boıynsha semınar-trenıngter uıymdastyrylýda

«Memleket óz tarapynan memlekettik tildiń pozısııasyn nyǵaıtý úshin kóp jumys atqaryp keledi. Qazaq tilin keńinen qoldaný jónindegi keshendi sharalardy júzege asyrýdy jalǵastyrý kerek. Biz 2025 jyldan bastap álipbıimizdi latyn qarpine, latyn álipbıine kóshirýge kirisýimiz kerek. Bul – ult bolyp sheshýge tıis prınsıpti másele. Bir kezde tarıh bederinde biz mundaı qadamdy jasaǵanbyz. Balalarymyzdyń bolashaǵy úshin osyndaı sheshim qabyldaýǵa tıispiz jáne bul álemmen birlese túsýimizge, balalarymyzdyń aǵylshyn tili men ınternet tilin jetik ıgerýine, eń bastysy – qazaq tilin jańǵyrtýǵa jaǵdaı týǵyzady». Elbasymyz óziniń 2012 jylǵy 14 jeltoqsandaǵy «Qazaqstan – 2050» Strategııasy qalyptasqan memlekettiń jańa saıası baǵyty» atty Qazaqstan halqyna Joldaýynda osylaı dep atap kórsetip, latyn álipbıine kóshýdiń qajettiligine keńinen toqtalǵan bolatyn. Aıta ketý kerek, Jambyl oblysynda qazirgi tańda bul baǵytta nátıjeli jumystar atqarylyp jatyr.

Respýblıkada alǵashqylardyń biri bolyp Elbasynyń №637 Jarlyǵymen bekitilgen latyn grafıkasyna negizdelgen qazaq tili álipbıin jańa zaman talabyna saı ınternet-tehnologııalar múmkindikterin paıdalana otyryp oqyp, jazýǵa úıretý maqsatynda Qazalipbi.kz onlaın oqytý baǵdarlamasy ázirlendi.

Internettiń kez kelgen braýzerleri men smart telefondar arqyly kirýge bolatyn Qazalipbi.kz onlaın oqytý baǵdarlamasy – qazaq tildi aýdıtorııaǵa, ıaǵnı latyn grafıkasyna negizdelgen qazaq tili álipbıin úırenýge nıet bildirgen kez kelgen azamattar úshin qoljetimdi, tegin, ýaqyty shekteýsiz, teorııalyq, praktıkalyq, baǵalaý bólimderi qamtylǵan 18 sabaqtan turady.

Jańa álipbıdi jeńil meńgerýge yqpal etý maqsatynda barlyq aýdandar men Taraz qalasynda semınar-trenıngter de jıi uıymdastyrylýda.

Sonymen qatar, latyn grafıkasyna negizdelgen qazaq tili álipbıin meılinshe halyqqa ońaıyraq uǵyndyrý, úıretý maqsatynda basqarmanyń «Latyn negizdi jańa álipbı jáne jazý reformasy» áleýmettik jobasy aıasynda jergilikti telearnalardan «LatynLIVE» telebaǵdarlamasy aıyna 2 ret efırge shyǵady.

Jalpy jyl basynan beri latynnegizdi álipbıdi óńir turǵyndaryna túsindirý maqsatynda 100-den is-shara ótkizilip, oǵan tórt myńǵa jýyq adam qamtylǵan.