• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:46:28
Qazaqstan Ýkraınanyń saýda naryǵyna alańdaýly

21 Qazan, 2019 Aımaqtar

Memlekettik qyzmetshiler biliktiligin shyńdaýda

Elbasy N.Nazarbaev «100 naqty qadam» Ult josparynda kásibı memlekettik apparat qurýǵa aıryqsha toqtalyp, bul baǵyttaǵy mindetterdi júıelep bergen bolatyn. Osy baǵytta Jambyl oblysynda josparly jumystar jandana túsýde. Memlekettik qyzmetter sapasyn arttyrýda ishki baqylaý sharalarynyń da mańyzy zor.

Ishki baqylaý sheńberinde turǵyndarǵa qyzmet kórsetý jaǵdaılary zerdelenýde jáne qyzmet kórsetý tártibin túsindiretin aqparattyń bolýy, qol jetimdiligi turaqty baqylanýda.

Oblystyq, qalalyq, aýdandyq deńgeıde túsindirme, oqytý jáne tájirıbelik kómek jumystary turaqty júrgizilýde. Qazaqstan Respýblıkasy Prezıdenti janyndaǵy Memlekettik basqarý Akademııasynyń Jambyl oblysy boıynsha fılıalynda 2018 jyly «Elektrondyq úkimet jáne elektrondyq qyzmetter. Memlekettik qyzmette aqparattyq tehnologııalardy qoldaný. «Sıfrly Qazaqstan» baǵdarlamasyn damytý» taqyrybynda biliktiligin arttyrý kýrstarynan 54 qyzmetker dáris alǵan.

Bıylǵy jyly da bul baǵyttaǵy jumystar jalǵasyn taýyp otyr.

Sonymen qatar 2018 jyly memlekettik kórsetiletin qyzmet standarttaryna engizilgen ózgerister men tolyqtyrýlarǵa sáıkes, oblys ákimdiginiń qabyldanǵan 30 qaýlysymen 64 reglament qaıta bekitilip, ózgerister men tolyqtyrýlar engizildi.

«Memlekettik kórsetiletin qyzmetter týraly» QR Zańyna sáıkes, memlekettik kórsetiletin qyzmet standarty qoldanysqa engizilgennen keıin, kúntizbelik otyz kún ishinde memlekettik kórsetiletin qyzmetter reglamentteri bekitilýi tıis. Atalmysh zań talaby oryndalmaǵany úshin 2018 jyly oblys ákimdiginiń 6 basqarma basshylary tártiptik jaýapkershilikke tartylǵan.

Aǵymdaǵy jyly da memlekettik kórsetiletin qyzmet reglamentterin bekitý merzimderi buzylýda. Zań talaby oryndalmaǵany úshin 2019 jyly oblys ákimdiginiń 2 basqarmasynyń jaýapty qyzmetkerleri tártiptik jaýapkershilikke tartyldy.

Barshaǵa belgili, elimizdiń ekonomıkasynyń damý qarqynyn jedeldetý jáne sıfrlyq tehnologııalardy paıdalaný esebinen halyqtyń ómir súrý sapasyn jaqsartý, sondaı-aq uzaq merzimdi perspektıvada Qazaqstannyń ekonomıkasyn bolashaqtyń sıfrlyq ekonomıkasyn qurýdy qamtamasyz etetin túbegeıli jańa damý baǵdaryna kóshirýge jaǵdaı jasaý maqsatynda, 2017 jyly «Sıfrlyq Qazaqstan» memlekettik baǵdarlamasy qabyldandy.

Atalmysh baǵdarlamanyń nysanaly ındıkatorynyń biri – elektrondy túrde usynylatyn memlekettik qyzmetter úlesin arttyrý, ıaǵnı 2022 jylǵa deıin – 80%-ǵa jetkizý. Sonymen qatar, halyqtyń sıfrlyq saýattylyq deńgeıin 83%-ǵa jetkizý. Eń birinshi maqsat, Elektrondy úkimettiń «veb-portaly» múmkindikterin halyqqa keńinen nasıhat jumystaryn júrgizý. Ekinshiden, saýaldarymen júgingen qyzmet alýshylarǵa sapaly aqparat bere otyryp, durys baǵyt baǵdarlaý. Úshinshiden, memlekettik kórsetiletin qyzmetterge jaýapty mamandardyń biliktiligin arttyrýǵa baǵyttalǵan túsindirme jumystaryn turaqty júrgizý.Bul baǵytta júıeli jumystar jalǵasýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir