Almatynyń qoǵamdyq qabyldaýyna qala turǵyndary abattandyrý, qoǵamdyq kólik jáne joldar, ınjenerlik jeliler, TÚKSh máseleleri boıynsha jıi ótinish túsiredi, dep habarlaıdy ákimdiktiń baspasóz qyzmeti.
Almaty ákimdiginiń Open Almaty qoǵamdyq qabyldaýy 2017 jyldyń qyrkúıek aıynan bastap jumys jasaýda. Joba Smart Almaty konsepsııasyn júzege asyrýdyń bir bóligi bolyp tabylady jáne onyń quramyna front-ofıs, qalalyq aqparattyq portal jáne baılanys ortalyǵy engen.
«Bir tereze» qaǵıdasy boıynsha árbir qalalyq Open Almaty-daǵy aýdandyq ákimdikter, áleýmettik ál-aýqat, turǵyn úı saıasaty, jasyl ekonomıka, qalalyq josparlaý jáne ýrbanıstıka, qala qurylysyn baqylaý, jer qatynastary, qalalyq mobıldilik basqarmalary, TJD, PD, sottan tys tatýlastyrý Ortalyǵy, «Atameken» UKP, «Turǵynúıqurylysjınaq banki», kommýnaldyq kásiporyndar ókilderinen keńes alýyna bolady.
Barlyq ótinishter biryńǵaı aqparattyq júıege tirkeledi. Aýdandar ákimdikteriniń, basqarmalardyń, kommýnaldyq qyzmetterdiń oryndaýshylary usynatyn jaýaptardyń sapasy men ýaqtyly berilýin Open Almaty-dyń ınspektorlary baqylaıdy. Qala basshylyǵyna apta saıyn ótinishter boıynsha statıstıka beriledi.
Open Almaty-da 2019 jyldyń 9 aıy ishinde qalalyqtardyń 106,2 myń ótinishteri tirkelgen. Olardyń 62,9 myńy nemese 59 paıyzy baılanys ortalyǵy; 19,6 myńy nemese 18%-y áleýmettik jeliler arqyly túsken; 17,3 myńy nemese 16%-y Open Almaty front-ofısine jeke kelip berilgen; 6,4 myńy nemese 6%-y portal arqyly túsken.
2019 jyldyń shilde–qyrkúıek aılary aralyǵynda Open Almaty-da 42,9 myń ótinish tirkelgen, bul 2018 jyldyń (26,2 myń.) osy kezeńimen salystyrǵanda shamamen 60%-ǵa kóp.
Aǵymdaǵy jyldyń III toqsanynda túsken ótinishter boıynsha qalalyqtar úshin myna máseleler ózekti bolǵan, olar: qalany abattandyrý – 6,3 myń (onyń ishinde qala obektilerin, aýalardy ustaý, TQQ shyǵarý, aǵashty sanıtarlyq kesý, aryqtardy tazalaý); kólik pen joldar shaǵymy – 3,6 myń (avtobýstar qozǵalysy, jol, jaıaý júrginshi joly qurylysy, baǵdarsham ornatý); ınjenerlik jeliler jáne TKSh máseleleri – 1,8 myń (sýmen qamtý jáne bólý, jylý jelisi, gazben qamtý, elektroenergııasy); turǵyn úı ján PIK (lıfter, PIK-terdiń qyzmeti) – 1,2 myń jáne bilim (orta bilim, balalar baqshalary, kolledjder) – 699 ótinish.
Open Almaty front-ofısi (26,2 myń) Abaı dańǵyly men Jarokov kóshesiniń qıylysynda (Abaı dańǵyly, 90) ornalasqan, aýdanda jaqsy kólik ınfraqurylymy (avtobýstar, metro) qalyptasqan. Jeke kelýden ózge Open Almaty-ǵa áleýmettik jeliler (Facebook, Instagram, Twitter), veb-portal http://open-almaty.kz jáne baılanys ortalyǵy 1308 (uıaly telefonnan tegin), 338 33 88 nómiri arqyly ótinishter jiberýge bolady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir