Jambyl aýylyna aýyzsý keldi

Jambyl oblysy aýmaǵynyń jartysyna jýyǵyn alyp jatqan Moıynqum aýdany keıingi jyldary damýdyń jańǵyl jolyna túsip, órkendeýge óris ashýda. Aımaqta aýyl sharýashyyǵymen qatar óndiris salasy da órkendeýde. Bul árıne, Elbasy N.Nazarbaevtyń sarabdal saıasatynyń jemisi ekendigi daýsyz. Qazaqstan Respýblıkasy Tuńǵysh Prezıdentiniń tikeleı tapsyrmasymen qolǵa alynǵan memlekettik baǵdarlamalardyń nátıjesinde jarqyn jobalar júzege asýda. Onyń jemisin jergilikti jurtshylyq aıqyn sezinip keledi.

Memleket basshysy Q.Toqaev Elbasynyń kóregendiligimen iske asqan strategııalq maqsattardy odan ári nátıjeli jalǵastyrý úshin tyń mindetterdi mejeledi. Memleket basshysy «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda aýyldy jáne aýyl sharýashylyǵyn damytýǵa den qoıǵany shalǵaıdaǵy aǵaıynd aıryqsha qýantyp otyr.

Osy oraıda Prezıdent: «Aýyl turmysynyń sapaly bolýyn qamtamasyz etpeı, aýyl sharýashylyǵynyń ónimdiligin arttyrý múmkin emes.

Biz Elbasynyń «Aýyl – El Besigi» arnaıy jobasyn júzege asyrýdy jalǵastyramyz.

Biz shaǵyn eldi mekenderdi damytýǵa qatysty óte kúrdeli máseleni sheshýimiz qajet.

О́ńirlik standarttar ázirlendi. Endi olardy úsh myńnan astam negizgi jáne qanattas aýyldyq eldi mekenderge engizý qajet.

Úkimetke «Aýyl – El Besigi» jobasyn júzege asyrý úshin bıyl bólingen 30 mıllıard teńgege qosymsha aldaǵy úsh jyl ishinde 90 mıllıard teńge bólýdi tapsyramyn.

Bul qarajat kólik, aýyz sý jáne gazben qamtamasyz etý sııaqty ınfraqurylymdyq máselelerdi sheshýmen qatar, mektep, aýrýhana, sport alańdaryn salýǵa jáne jóndeýge jumsalady» dep atap kórsetti.

Búginde Moıynqum aýdanynda sapaly aýyzsýǵa qol jetkizý baǵytynda naqty jumystar atqarylýda. Mysaly, Jambyl aýylynda aýyz sý júıesiniń buzylǵanyna birshama ýaqyt bolǵan. Alaıda aýyl halqyna qajetti sý aýdan ortalyǵynan tasymaldanyp berilip keldi. Bul sý halyq suranysyn tolyqtaı qanaǵattandyra qoımaǵany da ras. Sondyqtan da aýyl ardagerlar keńesiniń tóraǵasy Káribaı Ospanov pen eńbek ardageri Tursyntaı Qaldarbekov aýyldaǵy aýyz sýdan kórgen qıyndyqtaryn aýdan ákimi Máden Musaevtyń qabyldaýynda bolǵanda aıtqan. Atalǵan aptada Jabyl aýylynan kelgen aǵaıyndardyń suranysy oryndalyp, aýyldaǵy aýyz sý júıesi iske qosyldy.