Memqyzmetkerler mýzeıde boldy

Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasynda «Taıaý jyldardaǵy mindetter» bóliminde kórsetilgendeı, bul baǵdarlama bilim berý salasynda aýqymdy ólketaný jumystaryn júrgizýdi, ekologııany jaqsartýǵa jáne eldi mekenderdi abattandyrýǵa basa mán berýdi, jergilikti deńgeıdegi tarıhı eskertkishter men mádenı nysandardy qalpyna keltirýdi kózdeıdi. Bul rette ólketaný jumystaryn júrgizý baǵytynda mýzeıdiń óz mindetteri bar. Mýzeı - ólkeniń tarıhy, halyqtyń qazynasy, el-jurttyń taǵdyry - bárimizdiń taǵdyrymyz.

Osy oraıda, Moıynqum aýdany ákimi apparatynyń basshysy, Ádep jónindegi ýákili Amangeldi Námetqulovtyń uıymdastyrýymen Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda aýdan ákimi apparatynyń qyzmetkerleri J.Qýanyshbaev atyndaǵy aýdandyq murajaıǵa saıahat jasaldy. Onda murajaı ekskýrsavody Merýert Qanqojaeva tabıǵat bólmesindegi aýdandaǵy qyzyl kitapqa engen ań qustardy, ósimdikterdi, arheologııalyq bólmedegi aýdannyń kartasy, Birlik aýylynyń ońtústiginen shyǵysqa qaraı 5 shaqyrym jerdegi «Tórtkúl»qalashyǵynan tabylǵan qysh qumyranyń synyqtary, keramıkanyń túrleri, Jaz-atanyń arnaıy buryshymen, ondaǵy Jaz-atanyń óziniń jatqan tósegi, ár jyldardaǵy sýretteri men qujattary, qutty aq taıaǵy jáne sýretshi Zańǵar Medetbekovtyń Jaz –atanyń qos ulymen jaılaýdaǵy beınesi, Qazaq handyǵyn alǵash qurǵan Jánibek pen Kereı hannyń at ústindegi beıneleri taǵy da basqa qundy jádigerlermen qyzyqty ári túsinikti etip memlekettik qyzmetkerge jetkizdi.Sondaı-aq memlekettik qyzmetshiler ózderiniń saýaldaryn qoıyp, jaýaptar aldy. Aýdannyń tarıhy týraly erekshe málimetter bilip, rýhanı baıyp, bir serpilip qalǵan memlekettik qyzmetkerler murajaıdyń qyzmetkerlerine alǵystaryn bildirdi.

Aıta keteıik, Moıynqum aýdandyq Jazylbek Qýanyshbaev atyndaǵy mýzeıi – 1973 jyly qurylǵan. 1986 jylǵa deıin «Oblystyq tarıhı-ólketaný mýzeıiniń» fılıaly retinde eseptelip, 1987 jyly 9 sáýirde Moıynqum aýdandyq depýtattarynyń jáne aýdan jumyskerleriniń №33-153-8 sheshimimen aýdandyq mýzeıge eki márte Sosıalıstik Eńbek Eri atanǵan Jazylbek Qýanyshbaevtyń esimi berildi.

Mýzeı ǵımaratynyń 219 sharshy metri qorǵa qarastyrylǵan bolsa, 319,2 sharshy metrden asatyn ekspozısııalyq 5 zaly: ólketaný, tabıǵat, arheologııalyq, shopandar turmysy jáne etnografııa zaldary halyqqa qyzmet kórsetedi.

Mýzeıdiń arheologııalyq ekspozısııasyna qoıylǵan jádigerlerdiń barlyǵy qola dáýirine tıesili «Qojabala qorymynan» (b.e.d. HIII-HIIǵ.ǵ.) jergilikti jerdegi zertteý qazba jumystarynyń nátıjesinde tabylǵan. Negizgi kórsetetin qyzmeti – halqymyzdyń mádenı-tarıhı murasyn saqtaý jáne olardy turǵyndardyń tamashalaýyna jaǵdaı jasap, tanystyryp otyrý bolyp tabylady. Sondaı-aq, ekspozısııadaǵy eksponattar úsh tilde jazylǵan.