• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:46:46
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

"Dala arýyna" oraq tústi

Halyqty azyq-túlikpen jáne ónerkásiptik shıkizattyń túrlerimen qamtamasyz etýimen erekshelenetin mańyzdy salanyń biri –aýylsharýashylyǵy salasy. Ásirese, qara jerden óz nesibesin taýyp júrgen sharýalardyń eńbegi erekshe. Kóktemde dán seýip, ala jazdaı bel jazbaı eńbek etken dıqandar qońyr kúz kelisimen tókken teriniń óteýi – ónimin jınaýǵa kiristi. Bul qatarda Jambyl oblysy Moıynqum aýdanyny sharýalary da bar.

Moıynqumdyq dıqandar birer kún buryn «Dala arýy» atanǵan júgeri daqylyna oraq salynyp, bitik shyqqan júgerini jınaý naýqanyn bastap ketti.

– Bizdiń «Baıbaraq-Agro» dep atalatyn kooperatıvimizdiń 100 gektardan astam jeri bar. Qazir sonyń 30 gektaryna júgeri egip, endi soǵan oraq salyp jatyrmyz. Baqsha da ekken bolatynbyz. Baqsha ónimimen aýyl turǵyndaryn qamtamasyz ettik. О́nimdiligine keletin bolsaq, júgeri bitik shyqty, 120 sentnerdiń ár gektardan 12 tonnadan ónim alyp otyrmyz, – deıdi «Baıbaraq-Agro» kooperatıviniń tóraǵasy Almabek Ábdihalyqov.

Bıyl aýdandaǵy Birlik aýyldyq okrýgi boıynsha egistik aýmaǵy 1546 gektar bolsa, sonyń 425 gektar jerine júgeri daqyly egildi. Sondaı-aq, aýyldyq okrýgten shabylǵan júgerini jınaý úshin arnaıy qyrman men tehnıkalardy saqtaýǵa arnalǵan mashına-traktor stansııasy soǵyldy.

– Bıyl aýdan boıynsha 5074 gektar sýarmaly jerdi ıgerip, paıdaǵa jarattyq. Atalǵan egis dalasynyń 1165 gektar alqabyna dándik júgeri egilgen bolatyn. Osy dándik júgerini jınaý úshin sharýalarmen kelise otyryp «Hersones-9» atty kombaıynnyń 3-eýin aldyq. Qazir bireýi Keńes aýylynda, al ekeýi Birlik aýylynyń sharýa qojalyqtarynyń júgerisin shaýyp jatyr. Aýdan boıynsha negizinen júgeri, taryǵa oraq salynyp jatsa, al baqsha, kókónis ónimderin jınalyp, bitip qaldy. Qazirgi tańda júgeriniń 70 gektary orylsa, túsim ár gektardan 12 tonnadan aınalyp otyr. Endigi mindet jınalǵan ónimdi ıgilikke jaratý, – deıdi aýdandyq aýylsharýashylyǵy bóliminiń basshysy Qyzyr Eleýsizov.

Araǵa jıyrma jyldan astam ýaqyt salyp, bıyl ǵana qaıtadan qolǵa alynǵan dándik júgerini aýdan sharýalary, keler jyly kóptep egip, alqaptaryn keńeıtýdi kózdep otyr. Endeshe sharýalardyń ala jazdaı tókken teri tekke ketpeı eńbekteri jemisti bolsyn demekpiz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir