• USD 389.52
  • EUR 429.21
  • RUB 6.07
  • CNY 54.94
28 Aqpan, 11:23:22
Shyńjańdyq dúngen: Dereý qazaqtardan keshirim surańdar! (aýdıo)

17 Qazan, 2019 Aımaqtar

Jastarǵa Joldaý júktegen mindetter túsindirildi

Taraz temirjol kóligi jáne kommýnıkasııa kolledjiniń ujymy Qazaqstan Respýblıkasynyń Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynan týǵan mindetter men tapsyrmalardy talqylady.

Bul Joldaý táýelsiz eldiń berik dińgegi men birtutastyǵyn saqtaýda elimizdiń áleýmettik-ekonomıkalyq máselelerin jan-jaqty sheship, naqty mindetterdi oryndaýda mańyzdy qural bolmaq.

Bıylǵy 2 qyrkúıek memleketimizdiń eń mańyzdy kúnderdiń biri retinde tarıhta qalatyny belgili. Bul jańadan saılanǵan Prezıdenttiń alǵashqy Joldaýy bolǵandyqtan, el arasynda qyzyǵýshylyqty týdyrdy. Bul Joldaýdyń basqa qujattardan negizgi ereksheligi retinde memlekettiń ekonomıkaǵa kózqarasynyń túbegeıli ózgerýin atap ótýge bolady.

Memleket basshysy Qasym-Jomart Toqaevtyń alǵashqy Joldaýy qoǵamdy tolǵandyrǵan máselelerdiń bárine derlik jaýap berdi. Prezıdent memleketti nyǵaıtý, otandyq bıznesti qoldaý, halyqty áleýmettik qorǵaý jáne ekonomıkany damytý máselelerine toqtaldy. Negizgi málimdeme bolashaq azamattyq qoǵam jóninde boldy.

Joldaýda azamattardyń barlyq syndarly ótinish-tilekterin jedel ári tıimdi qarastyratyn «Halyq únine qulaq asatyn memleket» tujyrymdamasyn iske asyrý mindeti qoıyldy. Memleket basshysy jerimizdiń sheteldikterge satylmaıtynyn aıtty. «Biz oǵan jol bermeımiz. Bul másele boıynsha qaýeset taratýdy doǵarý kerek, – dedi Q.Toqaev. Kásipkerler ótingen taǵy bir sheshim – 5 paıyzdyq qosymsha zeınetaqy tólemin engizý máselesi 2023 jylǵa deıin shegerildi. Osy ýaqyt ishinde ortaq sheshim tabý qajet.

«Zeınetkerlikti qamtamasyz etý máselesinde taǵy bir jańalyq: Memleket basshysy Úkimetke jyl sońyna deıin jumys isteıtin azamattardyń zeınetaqy jınaǵynyń bir bóligin maqsatty túrde paıdalanýyna qatysty, mysaly baspana satyp alý nemese bilim alý úshin jumsaý máselesin jyl sońyna deıin pysyqtaýdy tapsyrdy.

Joldaý memleketimizdegi áleýmettik ahýaldy jaqsartý jónindegi is-qımyldardyń naqty josparyna aınalatyny sózsiz», - dedi jıynda bilim oshaǵynyń jastar isi jónindegi komıtet tóraıymy A.Baıǵabylova.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir