Temirjolshylardyń tartysty saıysy

Elbasy-Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev buǵan deıin qazaqstandyqtardyń 30 paıyzyn buqaralyq sportpen qamtý týraly meje qoıǵan bolatyn. Mańyzdy mindet óz ózektiligin joıǵan joq. Osy oraıda barlyq eldi mekenderde jańa sport alańdary boı kóterip, sheberlikti shyńdaýǵa baǵyttalǵan jarystardyń qatary artýda. Bul árıne, quptarlyq qadam. О́ıtkeni, dana halqymyzdyń «Shynyqsań shymyr bolasyń» degen mátelinde aıtylǵandaı buqaralyq sportpen aınalysqan adamnyń jany taza, táni sulý bolyp bolyp qalyptasatyndyǵy belgili.

Memleket basshysy Qasym-Jomart Toqaev ta búginde sport salasyn damytýǵa úlken kóńil bólýde. Prezıdent otandastarymyzdy sózben jigerlendirip qana qoımaı, tennıs oıynyn jetik meńgergen tulǵa retinde kópke úlgi kórsete bilýde. Sonymen qatar sport salasyn odan ári jetildirýge baǵyttalǵan tyń tapsyrmalar júkteýde.

Búginde Elbasy men Memleket basshysy alǵa qoıǵan mindetter Jambyl oblysynda da óz jemisin berip otyr. Bul turǵyda Áýlıeata óńirindegi árbir aýdanda da jarqyn mysaldar jeterlik. Ásirese, temirjol salasynda túrli jarystar ótkizip, sol arqyly sala mamandaryn sportty serik etýge shaqyrý ıgi dástúrge aınalǵan.

Jýyrda Taraz temir jol stansasynda toraptyq saıystar ótti. Tarazdyq temirjolshylar bul kúni alańda shaǵyn fýtboldan dop teýip, arqan tartysty.

Jambyl bólimshesine qarasty mekemelerden quralǵan 10 top saıystyń kórkin qyzdyryp, barynsha kúshterin synap baqty. Tartysty ótken básekege qazylyq jasaý da ońaı bolǵan joq. Tula boılary bula kúshke toly temirjolshy jigitter birinen biri oza shaýyp, júldeni bermeýge tyrysty.

Sporttyq saıystyń sońynda arqan tartýdan birinshi oryn «DS Taraz» komandasyna buıyrsa, ekinshi oryndy «JRS» JShS enshiledi. Al, úshinshi oryn «TKE-31» komandasyna buıyrdy.

Shaǵyn fýtbol oıynynyń jeńimpazdaryna keler bolsaq, birinshi oryn tuǵyrynan «DJDO», ekinshi orynnan «DS Taraz», úshinshi orynnan «Jambyltranstelekom» komandalary kórindi.

Kóterińki kóńil-kúı syılap qana qoımaı, ujym arasyndaǵy aýyzbirshilik pen yntymaqty arttyra túsken bul sharada jeńimpazdar arnaıy kýboktarmen, gramotalarmen jáne estelik syılyqtarmen marapattaldy.