• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:28:53
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Shekaradan ótken taýarlar baqylaýda bolady

Jambyl oblysy Qyrǵyz Respýblıkasymen aýyly aralas, qoıy qoralas jatqandyqtan, eki el arasynda alys-beris jıi oryn alady. Onyń arasynda azyq-túlik, úı janýarlaryn tasymaldaý jumystary kóp. Osyndaı memleket aralyq tasymal kezinde kórshi elden túrli qaýipti aýrýlar juqtyrǵan mal ótýiniń qaýpi joǵary. Bul qaýip ózge de shetelderden keletin taýarlarǵa qatysty. Dese de Jambyl oblystyq veterınarııalyq baqylaý jáne qadaǵalaý aýmaqtyq ınspeksııasy atalǵan jaǵdaıdy tolyq baqylaýynda ustaý boıynsha jumystar júrgizýde.

Máselen, 2019 jyldyń 9 aıynyń ishinde Jambyl oblysy aýmaǵyna 3219 bas iri qara mal Reseı, Germanııa, Avstrııa, Polsha, Chehııadan, 2 702 400 dana ınkýbasııalyq jumyrtqa Túrkııadan, 6 933,524 tonna qus eti AQSh-tan, 186,262 tonna muzdatylǵan balyq Norvegııadan, 21194,4 tonna sút ónimi Kyrǵyzstan jáne Lıtvadan ımporttalǵan. Sondaı-aq, Qyrǵyzstan Respýblıkasynan elimizdiń aýmaǵyna qazaq-qyrǵyz shekarasynda ornalasqan veterınarııalyq-sanıtarııalyq beketter arqyly 236 bas janýar, 18 307,9 tonna sút ónimderi, 125,8 tonna et jáne et ónimderi, 114,6 tonna balyq jáne balyq ónimderi ótkizilgen.

Atalǵan taýarlardyń el azamattary úshin qaýipsizdigin qadaǵalaý maqsatynda QR Úkimetiniń Qaýlysymen jaqyn ornalasqan Qazaqstan-Qyrǵyzstan memlekettik shekaralarynda baqylaý pýnktteri uıymdastyrylǵan. Qarasý jáne Sypataı batyr beketterinde mobıldik vagondar, Aısha Bıbi beketinde mobıldik zerthana avtokóligi ornalastyryldy.

О́kinishke oraı, Veterınarııalyq baqylaý jáne qadaǵalaý komıtetiniń Jambyl oblystyq aýmaqtyq ınspeksııasy basshysynyń orynbasary Jandar Qoekeev veterınarııalyq baqylaýdy atqarýǵa qatysty memlekettik organdardyń yqpal etý algorıtmi boıynsha jumys aqsap turǵanyn aıtady.

– Buryn mundaı aýmaqtarda patrýldik polısııa basynda bolǵan, qazir joq, shekara jáne memlekettik kirister departamentiniń qyzmetkerleri tasymaldanatyn obektileri boıynsha málimet bermeıdi, birigip jumys atqarmaıdy. Osyǵan baılanysty Qyrǵyzstan Respýblıkasynan Qazaqstan Respýblıkasyna aýsyl aýrýyna kirgizýge qoıylǵan ýaqytsha shekteýler búgingi kúnge deıin alynǵan joq. Sol sebebti, Qyrǵyzstan - Qazaqstan memleketteriniń shekarasyndaǵy veterınarııalyq baqylaý beketterinde memlekttik organdarmen birlese otyryp áreket etý óte mańyzdy. Memlekttik organdarmen birlese otyryp durys áreket etken jaǵdaıda ǵana Jambyl oblysynyń ǵana emes, Qazaqstan Respýblıkasynyń epızootologııalyq jaǵdaıyn saqtaýǵa tolyq múmkinshilik jasalady.

Qazaqstan Respýblıkasynyń aýmaǵyna veterınarııalyq-sanıtarııalyq baqylaýǵa jatatyn júkterdi kirgizý reestrine Qyrǵyz Respýblıkasynyń 82 óndiris oryndary engizilgen. onyń ishinde: sút ónimderin óndiretin - 23, ulttyq sút ónimderin óndiretin - 1, balyq ónimderin óndiretin - 18, et ónimderin óndiretin - 12, bal ónimderin óndiretin - 25 kásiporyn tirkelgen. Munyń barlyǵy baqylaýda, – deıdi aýmaqtyq ınspeksııa basshysynyń orynbasary.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir