Kolledjdegi mamandar eńbek naryǵynń suranysyna saı ázirlenedi

Jambyl oblysyndaǵy arnaýly orta bilim berý oryndarynda kásiptik mamandardy daıarlaýda eń áýeli eńbek naryǵynyń suranysy eskerildi. Jańa oqý jylynda oblys kolledjderinde 47 mamandyqqa 3082 memlekettik bilim berý tapsyrysy bólingen, dep jazady Qamshy.kz aqparat agenttigi. 

Qazir oblys aýmaǵynda 46 kolledj jumys jasasa onyń 23-i memlekettik menshikte bolsa, qalǵan 23-i jekemenshik tıesili. О́ńirdegi arnaýly orta kásiptik bilim berý uıymdaryna bólingen memlekettik tapsyrystyń 56,7 paıyzy «Barshaǵa arnalǵan tegin kásiptik tehnıkalyq bilim berý» jobasy aıasynda jumysshy mamandyqtaryna berildi. Jalpy óńirdegi kolledj stýdentteriniń 50,9 paıyzy memlekettik tapsyrys negizinde tegin bilim alyp jatyr. Bul ótken oqý jylymen salystyrǵanda 1028 orynǵa artyq.

–О́ńirdegi tehnıkalyq jáne kásiptik mamandaryn daıyndaý jumystary eńbek naryǵyndaǵy qajettilikti zerdeleýde bastalady. Bul jumystar aýdandardaǵy jumyspen qamtý ortalyqtarynyń suranysyna saı júrgiziledi. Sáıkesinshe suranystardy aýdan, qala ákimderiniń tikeleı baqylaýymen túziledi. Bıyl óńirdegi kásiptik mamandarǵa suranys kólemi 4345 oryndy qurady. Sondaı-aq «Atameken» ulttyq kásipkerler palatasynyń oblystyq fılıalymen júrgizilgen skrınıng qorytyndysyn da basshylyqta ustaımyz. 5926 kásipkerlik nysanda júrgizilgen skrınıg qorytyndysy olardaǵy kadr tapshylyǵy 3562 oryn ekendigin anyqtaldy. Osy suranystardy eskerip 2019-2020 oqý jylyna 29 kolledjge 47 mamandyq boıynsha 3082 memlekettik bilim berý tapsyrysy bólindi,– deıdi oblys ákimdiginiń bilim basqarmasy basshysynyń orynbasary Talǵat Jamalov.

Jambyl oblysy ákimdiginiń bilim basqarmasy «Jas maman» jobasy boıynsha eńbek naryǵynda suranysqa ıe mamandyqtar boıynsha bilikti kadrlar daıarlaýǵa da basa nazar aýdaryp keledi. Oblysta 10 kolledjde naryqta suranysqa ıe 100 mamandyq boıynsha «100/200» qaǵıdaty boıynsha maman daıarlaý júzege asyrylmaq.

Memlekettik tapsyrys esebinen arnaýly orta bilim alǵan stýdentterdiń jumyspen qamtylýy da ózekti másele. Bul oraıda olardy óndiristik tájirıbeden ótken ornynan qyzmetin jalǵastyrýǵa múmkindik berýdiń tetikteri de qarastyrylýda. Ásirese maman daıarlaýda dýaldy oqytýdyń engizýdiń mańyzy zor. Búginde dýaldy oqytý júıesi óńirdegi 35 kolledjde engizilip, olar 193 kásiporynmen úsh jaqty kelisimshartqa otyrdy. Nátıjesinde ótken jyly dýaldyq oqytý júıesimen oqýyn aıaqtaǵan 1588 túlektiń 75 paıyzy jumyspen qamtyldy. Jumys berýshi men kolledjder arasynda 3581 túlekti jumyspen qamtý týraly 726 kelisim shart jasaldy.