Elbasy belgilegen meje oryndalýǵa taıaý

Jambyl oblysyndaǵy Jambyl aýdany buqaralyq sportty damytý boıynsha Elbasy N.Nazarbaev aıqyndap bergen mejeni tolyqtaı oryndaýǵa taıap qaldy.

2019 jyldyń qańtar-tamyz aılarynyń qorytyndysy boıynsha aýdanda dene shynyqtyrý jáne sportpen júıeli túrde shuǵyldanýshylardyń qatary 29,4 paıyzǵa nemese 24 myń 500 adamǵa jetip otyr. Bul kórsetkish 2018 jylmen salystyrǵanda 0,4 paıyzǵa nemese 415 adamǵa artty. Jyl qorytyndysymen dene shynyqtyrý jáne sportpen shuǵyldanýshylardyń sanynyń paıyzyn 30,0 paıyzǵa jetkizý josparlanyp otyr.

Qazirgi tańda statıstıkalyq málimetterge sáıkes aýdanda sport nysandardyń jalpy sany 158-di qurap otyr.

Olardyń qatarynda 1 stadıon, 1 sport kesheni, 33 sport zaly, 84 sport alańshalary, 8 atý tıri jáne 1 ıkemdelgen sport zal bar.

«Aýyl-el besigi» jobasy sheńberinde aýyldyq eldi mekenderdegi áleýmettik jáne ınjenerlik ınfraqurylym boıynsha is-sharalardy iske asyrý maqsatynda bıylǵy jyldyń tamyz aıynda Asa aýylyndaǵy ortalyq stadıonǵa aǵymdaǵy jóndeý jumystaryn júrgizýge respýblıkalyq bıýdjetten 4 mıllıon 937 myń teńge, jergilikti bıýdjetten 549 myń teńge bólinip, aǵymdaǵy jóndeý jumystary júrgizilýde.

2019 jyly aýdan ákimi men aýyldyq okrýg ákimderi arasyndaǵy kelisimderdiń túıindi nysanaly ındıkator kórsetkishteri jasaqtalyp, bekitildi.

Jalpy 2019 jyly aýdandyq aımaqtyq jol kartasy aıasynda 12 sport nysanyn salý belgilengen. Atap aıqanda 4 kishi fýtbol alańy Asa, Qapal, Qyzylsharyq, Qyzylqaınar aýyldarynda jáne 8 strıtvorkaýt alańshalary Asa, Shaıqoryq, Toǵyztaraý, Kólqaınar, Besaǵash, Bektóbe, Aıshabıbi jáne Shoqaı aýyldarynda. Qazirgi tańda, 1 kishi fýtbol alańy jáne voleıbol alańy Asa aýylynda, 1 ámbebap sport alańy Shaıqoryq aýylynda, 3 strıtvorkaýt alańshalary Asa, Qapal, Toǵyztaraý aýyldarynda paıdalanýǵa berildi. Al, demeýshiler esebinen Shoqaı jáne Shaıqoryq aýyldarynda «Strıt vorkaýt» sport alańshasynyń qurylysy tolyq aıaqtalyp, jergilikti turǵyndardyń ıgiligine qyzmet kórsetýde. Qalǵan sport nysandarynyń qurylysy qyrkúıek-qazan aılarynda paıdalanýǵa berý josparlanǵan.

Munyń barlyǵy da Elbasynyń, Memleket basshysynyń tikeleı tapsyrmasyna sáıkes jasalyp jatqan ıgi jumystar.