О́lketanýdyń ónegesi mol

Memlekettik jastar saıasaty tujyrymdamasynyń óskeleń urpaqty ónege jolymen tárbıeleý baǵytynda tıgizer yqpaly zor. Bul turǵyda Jambyl obysynda baıandy bastamalar qolǵa alynyp, jarqyn jobalar jemisti júzege asýda. Ásirese, bıylǵy Jastar jylynda atqarylyp jatqan sharalardyń aýqymy úlken.

Ústimizdegi jyly jastardy azamattyqqa tárbıeleý, qazaqstandyq patrıottyq sana sezimin nyǵaıtý, jastardyń zańdy múddeleri men quqyqtaryn qorǵaý, jastardy eldiń áleýmettik-ekonomıkalyq jáne qoǵamdyq-saıası ómirine tartý, mádenı, ımandylyq jáne rýhanı qundylyqtardyń basymdyǵy, azamattyq, jaýapkershilik, eńbeksúıgishtik, konfessııaaralyq kelisim men etnosaralyq taǵattylyq, urpaqtar sabaqtastyǵy, otbasylyq tárbıe, qoljetimdi jáne sapaly bilim berýdi qamtamasyz etý, ǵylymı-tehnıkalyq áleýetti damytý, densaýlyqty saqtaý jáne nyǵaıtý, salamatty ómir saltyn qalyptastyrý, jumysqa ornalasý men jumyspen qamtý, jastar arasyndaǵy kásipkerlik, quqyqtyq mádenıet deńgeıin arttyrý, sybaılas jemqorlyq kórinisterine tózbeýshilikke tárbıeleý, ekologııalyq mádenıetti qalyptastyrý, volonterlik qyzmet, bos ýaqytty tıimdi paıdalanýǵa baýlý, meıirimdilik, ata-anany qurmetteýge úıretý, qyz tárbıesi, taǵy da basqa jastar máseleleri aıasynda áleýmettik rolıkter túsirilip, áleýmettik jelilerde keńinen taratylýda.

Sonymen qatar bıylǵy 22-25 shildede jastardy oblystan shyqqan tanymal tulǵalardyń ómir jolymen, oblystyń tarıhı-arheologııalyq oryndarymen jáne halyq aýyz ádebıetiniń tańdaýly úlgilerimen tanystyrý maqsatynda «Áýlıeata jaýharlary» atty tarıhı-tanymdyq ekspedısııasy ótkizildi.

Ekspedısııaǵa Jambyl oblysynyń mádenıet, sport, óner, tarıh, bilim, týrızm, buqaralyq aqparat quraldary jáne taǵy da basqa sala mamandarynan quralǵan 11 komandalyq top qatysty. Bul toptar Baızaq, Jambyl, Jýaly, Qordaı, Merki, Moıynqum, Sarysý, T.Rysqulov, Talas, Shý aýdandary men Taraz qalasynan jasaqtalǵanyn aıta ketý kerek.

Komandalar Jambyl oblysynyń 50-den kem emes aýyldary men eldi mekenderinde attary umytylyp bara jatqan tulǵalarynyń ómir joly, osy kúnge deıin belgisiz bolǵan tarıhı-arheologııalyq oryndary, halyq ánderi jáne halyq aýyz ádebıetiniń tyń úlgileri, ıaǵnı ertegiler, ańyz áńgimeler men ápsanalar, qıssalar men epostar týraly aqparattar jınaqtady.