Almaty ákimi Baqytjan Saǵyntaev «Býrevestnık Almaty» voleıbol klýbynyń oıynshylarymen, jattyqtyrýshylar quramymen jáne ákimshiligimen kezdesip, 2019 jylǵy Qazaqstan Kýbogin jeńip alýlarymen quttyqtady, – dep jazady ákimdiktiń baspasóz qyzmeti.
Qala basshysy barsha ujymnyń úılesimdi jumysynyń arqasynda osyndaı bıik nátıjege qoljetkenin atap ótti, sonymen qatar «Býrevestnık Almaty» JShS dırektory, general-maıor, KSRO-nyń sport sheberi Amangeldi Shabdarbaevqa, komandanyń bas jattyqtyrýshysy, QazSSR-nyń eńbek sińirgen jattyqtyrýshysy Aleksandr Zapevalovqa, jaǵajaı voleıbolynyń bas jattyqtyrýshysy Denıs Rovkınge alǵys sózin bildirdi.
«Sporttaǵy laıyqty nátıje bul – oqystan bolatyn jaǵdaı nemese istiń ońynan týýy emes. Bul – únemi aıanbaı ter tógýdiń, óz kúshine senýdiń jáne jeńiske jetýdegi zor úmittiń nátıjesi. Men kúndelikti jattyǵýlardyń qýanysh ákelýin, taryqqan sátterde senimniń alǵa jeteleýin, eren eńbektiń laıyqty jeńispen marapattalýyn tileımin!», – dedi Almaty ákimi.
Komandaǵa aqshalaı sertıfıkat, klýb dırektory Amangeldi Shabdarbaevqa qalaǵa sińirgen eńbegi úshin «Eńbegi úshin» tósbelgisi tapsyryldy.
«Elimizdiń sport ortalyǵy retinde Almaty qalanyń sport jetistikteri qorjynyna úles qosatyn komandalarǵa qoldaý kórsetetin bolady», – dep atap ótti B. Saǵyntaev.
«Býrevestnık Almaty» voleıbol klýby HH ǵasyrdyń ortasynda KSRO chempıony, Eýropa Kýboginiń eki dúrkin ıegeri atanǵan ári ańyzǵa aınalǵan «Býrevestnık» klýbynyń dástúrlerin jalǵastyrýda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir