Toqaev TMD úshin "dostastyq vızasyn" engizýdi usyndy

Prezıdenti Qasym-Jomart Toqaev "shengen" sııaqty TMD elderinde biryńǵaı vıza engizý máselesin qarastyrýdy usyndy. Memleket basshysy bul týraly Ashhabadta TMD memleket basshylary keńesiniń otyrysynda málimdegenin Qamshy.kz aqparat agenttigi habarlaıdy.

"О́kinishke qaraı, ulttyq vıza jáne kóshi-qon rejımderinde aıtarlyqtaı aıyrmashylyq bar. Olar TMD-daǵy birneshe elge birden barǵysy keletin sheteldik týrıster úshin qolaısyzdyq týǵyzýda. Men bul óte qıyn ekenin túsinemin.  Degenmen TMD aýmaǵynda shengen kelisimi tárizdi "dostastyq vızasy" degen shartty ataýmen biryńǵaı rejım engizý máselesin qaraýdy oılaný kerek shyǵar", –dep usyndy Toqaev.  

Onyń aıtýynsha, mundaı vıza dostastyq elderindegi týrızmniń damýyna yqpal etedi.

Toqaev árbir elde álemniń túkpir-túkpirinen týrısterdi tarta alatyn óziniń erekshe tabıǵı jáne tarıhı nysandary bar ekenin atap ótti.