• USD 389.52
  • EUR 429.21
  • RUB 6.07
  • CNY 54.94
21 Qarasha, 00:18:14
Qazaqstan Ýkraınanyń saýda naryǵyna alańdaýly

09 Qazan, 2019 Aımaqtar

Jumyspen qamtý sharalary nátıjeli júrgizilýde

Merki aýdanynda jumys qamtý sharalary óz deńgeıinde júrgizilip keledi. Sonyń nátıjesinde kúni búginge deıin aýdandyq jumyspen qamtý ortalyǵyna ótinishpen qaıyrylǵan 2208 jumyssyzdyń 1603-i turaqty jumys tapqan, dep jazady Qamshy.kz aqparat agenttigi. 

Jalpy Merki aýdanynda jumyspen qamtý salasynda kásipkerlikpen aınalysqysy keletinder úshin de jan jaqty qoldaý jasalýda. Máselen «Bıznes-Bastaý» jobasymen «Atameken» Ulttyq kásipkerler palatasynyń aýdandyq fılıaly uıytqy bolǵan kásipkerlikke daıarlaý kýrsynan 123 merkilik jas kásipkerlik negizderin meńgerip shyqty.Bul kýrstarǵa qazir Baızaq, T.Rysqulov aýdandarynyń da astary oqýda. Oblysta Jastar jyly aıasynda qolǵa alynǵan joba sheńberinde 106 azamat 52,7 mıllıon teńge qaıtarymsyz grantty ıelendi. Jastar jumyssyzdyǵy máselesine aýdandaǵy iri agroqurylymdar da óz úlesterin qosyp keledi. Mysaly Qanat Shaıhıev jetekshilik etetin «Sypataı batyr» jaýapkershiligi shekteýli seriktestigi, sondaı-aq «Nıet», «Nóser-Bereke» sharýa qojalyqtary jumyssyz júrgen 146 jasty eńbekpen qamtyǵan. «Jastar tájirıbesi» baǵdarlamasy aıasynda 143 jas aýdandaǵy memlekettik mekemelerde jumysqa tartylyp, ózderiniń qarym-qabiletterin kórsetip, tájirıbe jınaqtap jatyr. Olardyń 25-i turaqty jumysqa ornalassa, 61 jas kelisimshart negizinde óz jumystaryn jalǵastyrýda.

Merki aýdanyndaǵy jumyssyzdyqpen kúrestiń negizgi bir baǵyty jumyssyzdardy qaıta kásibı daıarlyqtan ótkizý bolyp otyr. Aýdandyq jumyspen qamtý ortalyǵyna jumyssyz retinde tirkelgen 247 azamat qaıta kásiptik daıarlaý kýrstaryna jiberilgen.Olar Merki aýdanyndaǵy 6 arnaýly orta bilim berý uıymynda biliktilikterin jetildirýde. Bul azamattardy kásiptik daıarlaý kýrstaryna jiberýge jergilikti bıýdjetten 45,7 mıllıon teńge qarjy qaralǵan. Qaıta kásiptik daıarlaýdan ótken 238 azamat oqýyn aıaqtasa, onyń 32-si turaqty jumys ornalasqan.

Jeke kásip ashyp ózin-ózi jumyspen qamtýǵa nıetti 103 merkilik 423 mıllıon teńge nesıege qoljetkizdi. Negizinen sońǵy 3 jylda «Atameken» Ulttyq kásipkerler palatasy arqyly 481 adam 923 mıllıon teńge kóleminde nesıe alyp, jeke kásibin bastaǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir