Egis alqaptaryndaǵy ónimdilik joǵary

Jambyldyq dıqandar bıyl 687,1 myń gektar aýyl sharýashylyǵy alqabyna egin ekken. Qambaǵa 763,2 myń tonna astyq quıylyp, astyqty alqaptardyń gektarǵa shaqqandaǵy ónimdiligi 23 sentnerdi quraǵan, dep jazady Qamshy.kz aqparat agenttigi. 

Aǵymdaǵy jyly jambyldyq dıqandar 352,4 myń gektar aýmaqqa masaqty, 60,9 myń gektarǵa maıly daqyldar ekse, 10,1 myń gektar alqapqa kartop ekti. Munan bólek 66,3 myń gektarǵa kókónis-baqsha daqyldary ornalastyrylsa, strategııalyq daqyl sanalatyn qyzylsha alqabynyń jalpy kólemi 5,6 myń gektardy qurady. Bıyl óńir sharýalary negizinen kókónister men baqsha daqyldaryn kóptep ósirýge kúsh saldy. Sonyń esebinen atalǵan daqyl túrleri 18,6 myń gektar alqapqa artyq egilipti.

Kúzgi jıyn terinniń alǵashqy nátıjelerinde aǵymdaǵy jyly qambaǵa 763,2 myń tonna astyq quıylǵan. Ortasha ónimdilik gektaryna 23 sentnerge teń. Kúni búginge deıin 60,9 myń gektarǵa egilgen maıly daqyldardyń 39 myń gektary orylǵan. Olardan alynǵan ónimniń jalpy kólemi 27,9 myń gektardy quraıdy. Bul degenińiz óńirdegi maıly daqyldardyń ár gektarynan 7,1 sentner ónim jınalǵanyn bildiredi.

Sol sekildi Jambyldaǵy kartopty alqaptardaǵy ónimdilikte óte joǵary kórsetkishke qol jetkizilgen. Jalpy aýmaǵy 230,8 myń gektar alqapqa egilgen «ekinshi nannyń» ár gektarynan orta eseppen 270,5 sentner ónim jınaldy.

Bıyl óńir dıqandary basymdyq bergen kókónis-baqsha alqaptary 99,9 paıyzǵa jınalǵan. Sáıkesinshe egin sharýashylyǵynyń eń mańyzdy sektory sanalatyn bul daqyldyń ár gektarynan 27,3 tonna ónim jınalyp, dıqandar eńbegi eselenip qaıtty.

Búginde keıbir sharýashylyqtar kúzgi-jıyn terim naýqanynyń negizgi baǵyttaryn aıaqtap, kúzdik bıdaıdy sebý jumystaryna kirisip te ketken.

–Aǵymdaǵy jyly oblysta 114 myń gektar alqapqa kúzdik bıdaı sebý josparlanyp otyr. Bul jumystarǵa 5063 tehnıka jumyldyrylmaq. Sondaı-aq jalpy kólemi 16 200 tonna bolatyn janar-jaǵarmaı qory jetkilikti. Kúzgi dala jumystaryn qajetti qarjyny alýda jambyldyq sharýalar «Keń dala», «Eginjaı» syndy nesıelendirý baǵdarlamalarynyń múmkindikterin paıdalanýda, –deıdi obyls ákimdiginiń aýyl sharýashylyǵy basqarmasy basshynyń orynbasary Erlan Qulkeev.