Jambyl oblysy: aqparattyq top aýyl turǵyndarymen tildesti

Jambyl oblysy «Nur Otan» partııasy Baızaq aýdandyq fılıalynyń ǵımaratynda Qazaqstan Respýblıkasynyń Prezıdenti Qasym-Jomart Toqaevtyń Qazaqstan Halqyna arnaǵan «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» taqyrybyndaǵy Joldaýyn nasıhattaý jáne túsindirý boıynsha oblystyq aqparattyq top músheleri aýdan turǵyndarymen jıyn ótkizdi dep jazady Qamshy.kz aqparat agenttigi .

Jıynda aldymen baıandama jasaǵan Jambyl oblysy ákimdigi ishki saıasat bóliminiń mobıldi tobynyń múshesi, ardagerler qoǵamynyń belsendi múshesi Kanal Berdenov jıynnyń maqsatyna toqtalyp, osy Joldaý memlekettiń órkendeýine negiz qalaıtynyn aıta kele, onyń ishinde, damýǵa jol ashatyn basym baǵyttarǵa keńinen toqtaldy. Atap aıtqanda, Joldaýda arnaıy basymdyq retinde júzege asýy tıis 5 mindetti, ıaǵnı, “Zaman talabyna saı tıimdi memleket”, “Azamattardyń quqyqtary men qaýipsizdigin qamtamasyz etý”, “Qarqyndy damyǵan jáne ınklıýzıvti ekonomıka”, “Áleýmettik jańǵyrýdyń jańa kezeńi”, “Qýatty óńirler – qýatty el” baǵyttaryn tanystyryp, olardyń árbirine keńinen nazar aýdardy. О́z kezeginde sóz alǵan aýdandyq ardagerler keńesi áleýmettik máseleler jónindegi komıssııasynyń tóraǵasy, aýdandyq ardagerler keńesiniń múshesi, medıator Serik Balabekov birinshiden – ósip kele jatqan urpaqty tárbıeleýden bastaý kerektigin, ekinshiden – halyqtyń úkimetke degen kózqarasy men pikirin ózgertý kerektigin aıtyp, jastardy zamanǵa saı tárbıelep, Joldaýdy tek oqyp qana qoımaı, belsendi jumys jasaý abzal ekendigin jetkizdi. Odan soń sóz alǵan aýdandyq ardagerler keńesiniń tóraǵasy Kemelbek Bespaev «Memleketimizdiń damýy úshin eń birinshi aýyldyq jerlerge mán berip, aýyl sharýashylyǵyn damytý qajet»,- degen oıyn ortaǵa saldy. Ármen qaraı, oblys ákimdigi ishki saıasat bóliminiń mobıldi tobynyń múshesi, Qazaqstan Respýblıkasy Jazýshylar odaǵynyń múshesi, dramatýrg Elen Álimjan sóz aldy. Ol Elbasy Nursultan Ábishuly Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda memleketimizde atqarylǵan jumystardy mysalǵa ala otyryp, Prezıdent Qasym-Jomart Kemelulynyń jarııalaǵan Joldaýynyń tolyǵymen oryndalýy úshin ulttyq bolmysymyzdy saqtaýymyz kerektigin alǵa tartty. О́zge memleketterdi mysal retinde keltirip, Joldaýda elimizdiń aldyna qoıylǵan mindetterdi oryndaý basty maqsat ekendigin jáne osy maqsatqa jetý úshin aıanbaı jumyla úles qosyp, eńbek etý kerektigin jetkizdi. Jıyn barysynda Sýhanbaev aýyldyq okrýgi jastar isteri jónindegi aǵa ınspektory Erǵalı Nurǵojaev sybaılas jemqorlyq máselesine qatysty pikirin bildirip, osy derttiń barlyq salalarǵa kedergi ekendigine toqtaldy.

Budan keıin, atalmysh kezdesý Ǵanı Muratbaev atyndaǵy gımnazııasynda jalǵasty. Jıynǵa pedagogtar, ata-analar men aýdan turǵyndary qatysty. Kanal Berdenov Joldaý boıynsha baıandama jasap, ár baǵytqa jeke

kóńil aýdardy. Sonymen qatar, úkimetpen keri baılanys ornatý úshin, birlese otyryp jumys jasaýdyń mańyzdylyǵyna toqtaldy. Aýyl turǵyndarynyń búginde jeke bıznes bastap, ózin-ózi jumyspen qamtyp qana qoımaı, úkimetke de, halyqqa da tıimdi isti júzege asyratyndyǵyn basa aıtty. Top múshesi Elen Álimjan óz sózinde, memleketimizdiń básekege qabiletti damyǵan 30 memlekettiń qataryna kirýi úshin halyqtyń salmaqty úlesi bar ekenin, jastardyń otansúıgishtigi men qalyptasyp jatqan tárbıesiniń mańyzdylyǵyna toqtalyp, jıynǵa qatysýshylardy Joldaý júktegen mindetterdi birge, jumyla atqarýǵa shaqyrdy. Jıyn barysynda aýdan turǵyndary oryn alyp jatqan mıtıngiler men halyqtyń narazylyǵyn týyndatyp otyrǵan máseleler, jumyssyzdyq pen jemqorlyq, sondaı-aq, jer máselelerine baılanysty pikirlerimen bólisti.