Jambyl oblysynda turǵyndar baspanamen qamtylýda

Talas aýdanynda qurylys jumystarynyń kólemi artyp keledi. Atap aıtqanda, 2019 jyldyń 8 aıynda qurylys kólemi 3 mlrd. 882 mln. 900 myń teńgeni qurap, ótken jylmen salystyrǵanda 107,9 paıyzǵa oryndalǵan dep jazady Qamshy.kz aqparat agenttigi.

Aýdan boıynsha paıdalanýǵa berilgen turǵyn úılerdiń jalpy kólemi 2019 jyldyń 8 aıynda 5706 sharshy metrdi qurap, ındıkatorlyq jospar 706 sharshy metrge artyq oryndaldy.

Aýdanda 2019 jyldyń 1 qyrkúıekke kezekte turǵan turǵyn úıge muqtaj azamattar sany 1701 adamdy qurady. «Qol jetimdi baspana – 2020» baǵdarlamasy aıasynda Qarataý qalasynda jalpy aýdany 27 752 sharshy metrdi quraıtyn 440 páterli 6 kópqabatty turǵyn úıler jóndeýden ótkizilip, kezekte turǵan azamattarǵa kezek retimen berilýde.

Sonymen qatar, qaladaǵy bos turǵan 3 kópqabatty turǵyn úıler kommýnaldyq menshikke alynyp, aýdandyq bıýdjetten 14 mln. 910 myń teńge bólinip, eki úılerdiń jobalyq-smetalyq qujattar ázirlenip, oblystyq qurylys basqarmasyna 629 mln. 198 myń teńgege bıýdjettik ótinim tapsyrylyp, bir úıdiń jobalyq-smetalyq qujattar ázirlenýde.

Búgingi kúnge kóp balaly nemese jaǵdaıy tómen otbasylardy ýaqytsha turǵyn úımen qamtamasyz etý maqsatynda, Qarataý qalasyndaǵy 3 móltek aýdany №3 jáne №4 jataqhanalary Talas aýdandyq sotynyń sheshimimen aǵymdaǵy jyldyń sáýir aıynda kommýnaldyq menshikke alynyp, qaıta jańǵyrtý jumystaryna 504 mln. 484 myń teńgege jobalyq smetalyq qujattama jasalynyp, 3 móltek aýdany №3 jataqhana memlekettik saraptamadan ótti, №4 jataqhana ótýde.

Sondaı-aq, «Turǵyn úı-kommýnaldyq sharýashylyǵyn jańǵyrtýdyń 2011-2020 jyldarǵa arnalǵan» baǵdarlama aıasynda 2019 jylǵa Qarataý qalasynda 5 kóppáterli turǵyn úıge jóndeý jumystary josparlandy. Nátıjesinde qaıtarym qarajatqa M.Áýezov kóshesi №5 jáne №9 kóppáterli turǵyn úılerdiń smetalary ázirlenip, aǵymdaǵy jyldyń sáýir aıynda jóndeý jumystary bastaldy. Jóndeý jumystaryna jertólesi, kireberisteri jáne úıdiń aınalasyn abattandyrý jumystary tolyq júrgizildi. Sonymen qatar, 3 móltek aýdany №35 kóppáterli turǵyn úıdiń kireberisi jáne úıdiń aınalasyna abattandyrý jumystary júrgizilýde. Qalǵan Sanyraq batyr №1 jáne Áýezov №7 úılerdiń jóndeý jumystary qazan aıynda josparlanýda.