• USD 389.52
  • EUR 429.21
  • RUB 6.07
  • CNY 54.94
15 Qazan, 15:27:50
Saılaý qarsańynda "joǵalyp ketken" akter Shrı-Lankadan sálem joldady (vıdeo)

20 Qyrkúıek, 2019 NEWS

Atyraýda «Isker ana» jobasy aıasynda 46 áıel marapattaldy

20 qyrkúıek kúni Atyraýda «Isker ana» jobasynyń I grant konkýrsynyń ıegerleri kásiptik quraldarmen marapattaldy, dep habarlaıdy Atyraý oblysynyń О́ńirlik kommýnıkasııalar qyzmeti.

«Isker ana» jobasynyń I grant konkýrsyna qatysýǵa 15 shilde men 25 tamyz aralyǵynda arnaıy bilim alǵan 250 anaǵa múmkindik berilgen bolatyn. Olardyń 78-i elektrondy ótinish tastaǵan analar. Solardyń arasynda 46-syna komıssııa sheshimimen kásipke qajetti quraldar berildi. Marapattaýǵa arnaıy qatysqan Atyraý oblysy Ishki saıasat basqarmasynyń basshysy Jasulan Bısembıevtiń aıtýynsha, jobanyń úzdik qatysýshylaryna jyl qorytyndysynda yntalandyrý sharalaryn ótkizý josparlanýda.

– Baǵdarlamanyń sharttary boıynsha oqyp bitirgen áıel adamdardyń ishinen kásipkerlikti bastaýǵa nıet bildirgen, arnaıy bıznes-josparyn jasaǵan áıel adamdarǵa zattaı oqyǵan mamandyǵy boıynsha granttar berilý josparlanǵan bolatyn. Qazirgi tańda Atyraý oblysy boıynsha 110 áıel adam osyndaı grantqa ıe bolyp otyr. Joba júrgizilmes buryn biz zertteý jumysyn jasaǵan bolatynbyz. Nátıjesinde úıde otyrǵan áıel adamdardyń ǵalamtordy paıdalaný arqyly óz kásibimen aınalysýyna jaǵdaı jasaý jumystary júrgizilýde. Máselen, osy ýaqytqa deıin «aspazdyq» mamandyǵyn bitirip, kondıterlik ónimderin túrli saýda platformalary arqyly satyp, qarajat taýyp otyrǵan áıel adamdar bar, – deıdi Jasulan Bısembıev.

Aıta keteıik, «Isker ana» jobasy barysynda qatysýshylar 10 mamandyq boıynsha oqý kýrstarynan ótti. Eki aptalyq merzimdi kýrsta analar maman-trenerlerden kásipkerlik, psıhologııalyq, marketıng baǵyttary boıynsha dáris aldy.

Búgin marapattalǵandar qatarynda «aspazshy» mamandyǵy boıynsha – 5, «vızaj» mamandyǵy boıynsha – 10, «massaj» mamandyǵy boıynsha – 7, «manıkıýr» mamandyǵy boıynsha – 5, «tiginshi» mamandyǵy boıynsha – 11, «shashtaraz» mamandyǵy boıynsha 8 ana bar.

–  Jasym 26-da. Inder aýdany, Bódene aýylynyń turǵynymyn. Osy jobaǵa jalǵyzbasty ana retinde qatystym. Aldaǵy ýaqytta kásipkerlikpen aınalysamyn degen josparym bar. О́zim sekildi basqa da analarǵa «Isker ana» jobasyna qatysýǵa keńes berem. Osyndaı múmkindikti jiberip almańyzdar degim keledi, – deıdi grant ıegeri Aıdana Temirǵalıeva.

Eske sala keteıik, jobaǵa oblys boıynsha barlyǵy 615 adam qamtylǵan. Onyń 280-ge jýyǵy aýdandardan qatysýshy kóp balaly, jalǵyzbasty, múgedek bala ósirip otyrǵan, áleýmettik az qamtylǵan topqa jatatyn analar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir