• USD 389.52
  • EUR 429.21
  • RUB 6.07
  • CNY 54.94
16 Qazan, 01:43:04
Saılaý qarsańynda "joǵalyp ketken" akter Shrı-Lankadan sálem joldady (vıdeo)

20 Qyrkúıek, 2019 Barlyq aımaqtar

Mańǵystaýda asa qaýipti jáne karantındi ınfeksııalar tirkelmegen

2019 jyldyń 8 aıynda asa qaýipti jáne karantındi ınfeksııalar (oba, tyrysqaq, qutyrma, sibir jarasy jáne t.b.) sonymen qatar polıomıelıt, sirespe, ish súzegi, paratıf, epıdemııalyq parotıt, qyzamyq, qurózek, irińdi menıngıt aýrýlary jáne toptasqan taǵamnan ýlanýlar tirkelgen joq.

 

Sanıtarııalyq – profılaktıkalyq is – sharalardyń josparly júrgizilýine baılanysty, jekelengen aýrýlardyń tómendeýi baıqalady.

Jiti ishek ınfeksııalarynyń toby – 1,7 esege,

Salmonellez -  7,8 esege,

Bakterıaldy dızenterııa – 3,4 esege,

Rotavırýs ınfeksııasy – 38,1 esege,

Taǵam toksıko ınfeksııasy –15,7 jaǵdaıǵa,

Jiti vırýsty gepatıtter – 8 jaǵdaıǵa,

onyń ishinde  «A» vırýsty gepatıt  – 4 jaǵdaıǵa,

«V» vırýsty gepatıt – 2 jaǵdaıǵa,

«S» vırýsty gepatıt – 2 jaǵdaıǵa,

Sozylmaly vırýsty gepatıtter  - 3 jaǵdaıǵa,

Ehınakokkoz – 9 jaǵdaıǵa,

JRVI - 6,2 %,

Sıfılıs -   27,5%,

Brýsellez – 1 jaǵdaıǵa

Degenmen, oblys kóleminde keıbir aýrýlardyń aýrýshańdyq deńgeıiniń  óskendigi baıqalady. 

  • kókjótel – 3 jaǵdaıǵa,
  • qyzylsha - 992 jaǵdaıǵa,
  • tumaý – 10 jaǵdaıǵa,
  • brýsellez – 1 jaǵdaıǵa,
  • Týberkýlez – 4 jaǵdaıǵa,
  • Pedıkýlez - 1,5 esege.

     2019 jyldyń 8 aıynda  oblys aımaǵynda 1445  qyzylsha aýrýyna kúdikti jaǵdaı tirkelip, onyń ishinde 992 jaǵdaıynda dıagnozy dáleldendi. Dáleldengen 992 jaǵdaıdyń 745-i zerthanalyq jáne 247 jaǵdaıy klınıkalyq  túrde naqtylandy.

      Aýrý kórsetkishi  orta respýblıkalyq kórsetkishpen salystyrǵanda 2,6 esege joǵary.

           Jastary boıynsha taldaý jasaǵanda, aýyrǵandardyń 611-i (61,6 %) 14 jasqa deıingi balalardyń úlesine tıesili bolsa, 381-i (38,4%) eresekterdi qurady.                                                                        Kontıngent boıynsha taldaý jasaǵanda aýyrǵandardyń arasynan  eń joǵarǵy úlesi  uıymdaspaǵan toptardan – 447 jaǵdaı (45,0 %),  jumyssyzdar – 114 jaǵdaı          (14,8 %) tirkeldi.

           Qyzylsha aýrýynyń tirkelýi respýblıkanyń barlyq aımaqtarynda jalǵasýda, sonyń saldarynan  qosymsha ımmýndaý ótkizýdiń qajettiligi týyndap otyr.

            Oblys aımaǵynda aǵymdaǵy jyldyń 1  sáýirinen  bastap jeltoqsan aıyna deıin 9 – 10 aı 29 kún aralyǵyndaǵy balalardy qyzylshaǵa qarsy qosymsha ımmýndaý jumystary júrgizilýde.

           Egiletin balalardyń jospary jasaqtalyp, barlyǵy - 15 090 qurady.

           Sáýir – tamyz aılary aralyǵynda - 9475 bala josparlanyp, onyń ishinde ekpemen qamtylǵany -  7918 (83,6%) qurady.  

           2019 jyldyń 16 qyrkúıeginen  bastap   20 jastan 29 jasqa deıingi (qosa alǵanda) adamdarǵa qyzylshaǵa jáne qyzamyqqa  qarsy qosymsha ımmýndaý jumysy bastaldy.

           Egilýge arnaıy kontıngentterdi (Qazaqstan Respýblıkasy Qorǵanys mınıstrliginiń, Qazaqstan Respýblıkasy Ishki ister mınıstrliginiń, Qazaqstan Respýblıkasy Ulttyq qaýipsizdik komıtetiniń áskerı qyzmetshileri men jeke quramy, sottalǵandar men tergeýmen qamaýǵa alynǵandar) qosa alǵanda, 20-29 jas aralyǵyndaǵy (20 jastan bastap 29 jas 11 aı 29 kúnge deıingi) barlyq adamdar, egý mártebesine qaramastan bolatyn jeri boıynsha vahtalyq ádispen eńbek qyzmetin júzege asyratyn adamdar jatady. Oblysqa 73 600 doza kóleminde qyzylshaǵa jáne qyzamyqqa qarsy vaksına bólindi.

           Josparlanǵan kontıngent sany – 65 610 adam.

           Oblys aımaǵynda 16-19.09.2019j. aralyǵynda  barlyǵy 1447 adam qyzylshaǵa jáne qyzamyqqa qarsy ekpemen qamtyldy. Egilgender arasynan vaksınadan keıingi reaksııalar jáne asqynýlar tirkelgen joq.

           Vaksınasııa oblystaǵy medısına mekemeleriniń 65 egý kabınetinde júrgiziledi. Immýndaý jumysy biliktiligi qaıta qaralǵan   410 medısına qyzmetkerlerimen, onyń ishinde 103 vaksınatormen uıymdastyrylady.

           Qyzylsha men qyzamyqqa qarsy profılaktıkalyq egýlerge turaqty medısınalyq qarsy kórsetilimderi bar, 2018-2019 jyldary qyzylshaǵa jáne qyzamyqqa qarsy egilgendigi týraly qujattamalyq  rastaýy bar adamdar, júkti áıelder men laktasııa kezeńinde áıelder ımmýndaýǵa jatpaıdy.

           Qyzylsha - vırýspen shaqyrylatyn jedel juqpaly aýrý. Qyzylshanyń belgileri - dene temperatýrasynyń joǵarylaýy, bas aýrý, denede bórtpelerdiń paıda bolýy jáne jótel qosylýy múmkin.

Qyzylsha aýrýymen aýyrǵan naýqaspen qarym – qatynasta bolǵan ekpesi joq adamnyń barlyǵy aýyrady.

         Aýrý myna asqynýlarmen qaýipti: soqyrlyq, otıt, pnevmonııa, ensefalıt, aýrýdyń aýyr aǵymy kezinde naýqas ólip ketýi de múmkin. Qyzylshamen aýyrǵan  500 adamnyń 1 ólim jaǵdaıyna ushyraıdy.

Qyzylsha vırýsy naýqastan saý adamǵa sóılesý, jótelý, túshkirý, tikeleı jáne janama qarym – qatynasta bolǵanda jutqynshaq nemese muryn bólindileri arqyly jáne  juqtyrylǵan bólmeden shyqqan soń da beriledi.

        Qyzylshamen aýyrǵan naýqas bórtpe shyqqanǵa deıingi 4 kún men bórtpe shyqqannan keıingi 4 kún qorshaǵan ortaǵa qaýipti. Aýrý juqtyrǵannan keıin  7-18 kún aralyǵynda damıdy.

Qyzylshany tek qyzylshaǵa qarsy egilýdiń kómegi arqyly boldyrmaýǵa bolady. 

Ulttyq egý kúntizbesine sáıkes qyzylshaǵa qarsy egý jumystary 1 jasta, 6 jasta josparly túrde júrgiziledi.

Qyzylsha aýrýy boıynsha epıdemıologııalyq ahýal kúrdelengen kezde  jáne  burq etý jaǵdaıy oryn alǵanda qyzylshaǵa qarsy qosymsha ımmýndaý júrgizýge jol beriledi.

 

    Jedel respıratorly vırýsty ınfeksııa (budan ári – JRVI) jáne tumaýdyń epıdemıologııalyq  maýsymy  1-shi qazannan bastalady.

Bıylǵy  jyly  qyrkúıek aıynda tumaý aýrýyna qarsy vaksınaǵa  jergilikti bıýdjetten – 39 mln. 015 myń 900 teńge qarajat bólinip, 45 000 doza kóleminde «Grıppol plıýs» vaksınasy (óndirýshi eli –   Reseı) alyndy.

Tumaýǵa qarsy vaksınamen  barlyq  oblys turǵyndarynyń 10,0 %-yn egýmen qamtý josparlanyp otyr.

 Sonymen qatar, oblys aımaǵynda jyl saıyn óndiris oryndaryndaǵy jumys berýshiler esebinen jumysshylardy jáne olardyń otbasy múshelerin egýmen qamtamasyz etý júrgiziledi.

    Oblys kóleminde byltyrǵy epıdemıologııalyq maýsymda 164 grıpp vırýsy A/H1N1 – 25, A/H3N2-137 jáne V - 2  jaǵdaı tirkeldi.

Aǵymdaǵy jyly oblys aımaǵynda 1 menıngokokk ınfeksııasy tilkeldi, 100 myń halyq sanyna shaqqandaǵy kórsetkishi – 0,14, 2018 jylmen salystyrǵanda (tirkelmegen) salystyrǵanda 1 aýrýǵa joǵary.

Oblys aımaǵynda menıngokokk ınfeksııasynyń tirkelýiniń aldyn alý Saýd Arabııa patshalyǵyna qajylyq saparǵa baratyn adamdardy medısınalyq tekserýden ótkizip, menıngokokk ınfeksııasyna qarsy 137 adamǵa ekpe  júrgizilip, egilgeni jóninde serıfıkat berildi. Bıylǵy  jyly menıngokokk ınfeksııasyna 150 doza «Nımenrıks» vaksınasy (óndirýshi eli –  Belgııa) alyndy. Ekpe aqyly túrde uıymdastyryldy. Egilgender arasynan vaksınadan keıingi reaksııalar jáne asqynýlar tirkelgen joq.

     Qorshaǵan ortadaǵy sý kózderine zerthanalyq monıtorıng júrgizildi. Polımerazdy tizbek ádisimen (PSR) enterovırýs ınfeksııasyna tekserildi: aǵymdy sý kózderinen – 30 synama,  nátıjesi oń – 4 synama. Basseın - 25, nátıjesi teris, ashyq sý kózderi – 66 synama, nátıjesi teris.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir