• USD 389.52
  • EUR 429.21
  • RUB 6.07
  • CNY 54.94
17 Qazan, 12:06:36
Prezıdenttik jastar kadr rezervine irikteýdiń kelesi kezeńine 904 qatysýshy ótti

21 Qyrkúıek, 2019 Aımaqtar

Baızaqtyqtar prezıdenttik synama tapsyrdy

Jastardy dene shynyqtyrýǵa tárbıeleýde prezıdenttik synamalardyń mańyzy orasan zor. Osyǵan oraı Baızaq aýdanynyń turǵyndary Sarykemer aýylynyń ortalyq stadıonyna jınalyp, bes sport túrlerinen prezıdenttik synama tapsyrdy.

Aıta ketý kerek, elimizdegi «Halyqtardyń dene shynyqtyrý daıarlyǵynyń prezıdenttik synamalary týraly» Ereje Qazaqstan Respýblıkasy Úkimetiniń 1996 jylǵy 24 maýsymdaǵy №774 qaýlysymen qabyldanǵan bolatyn. Jalpy, prezıdenttik synamalar – halyqtyń oqýǵa, eńbekke, áskerı qyzmetke daıyndyǵynyń jalpy jattyǵýlar jıyntyǵy bolyp tabylady.

Prezıdenttik test boıynsha sport túrlerinen uıymdastyrylǵan aýdandyq jarys Qazaqstan Respýblıkasynyń V chempıonatyna Jambyl oblysynyń qurama komandasyn jasaqtaý úshin oblystyq kezeńge aýdan quramasyn irikteýdi kózdedi.

– Jastar arasynda salaýatty ómir saltyn nasıhattaý úshin aýdandyq ákimdiktiń bastamasymen biz prezıdenttik synama tapsyrý jarysyn ótkizip jatyrmyz. Sondyqtan, bul bastamany aýdannyń búkil jastary men turǵyndary qoldap, salaýatty ómir saltyn, sportpen shuǵyldanýdy ár ýaqytta aldymyzǵa maqsat etip qoıýymyz kerek. Iаǵnı, «Máńgilik El» ıdeıasyn júzege asyrý úshin densaýlyǵy myqty, joǵary bilimdi jastar qajet. Búgingi irikteý jarysynda top jarǵan jeńimpazdar arasynan oblystyq kezeńge baratyn aýdan quramasyn jasaqtaıtyn bolamyz» - dedi sózinde aýdan ákimdigi dene shynyqtyrý jáne sport bóliminiń bas mamany Saǵynbek Júnisbekov.

Prezıdenttik synamada 18 aýyldyq okrýgten kelgen eki júzden astam aýdan turǵyndary bes túrli synaq tapsyrdy. Birinshisi uzyndyqqa sekirý, 30, 60, 100 metr qashyqtyqqa jáne 500, 1000 metrge júgirý, shalqalap jatyp deneni kóterý, bıik kermege tartylý, 300, 500, 700 grammdyq granata men dop laqtyrýdan óz myqtylyqtaryn synady. 9 jas pen 70 jas aralyǵynda, on bir jas ereksheligi boıynsha ótken aýdandyq chempıonatta áıelder men erler bólek-bólek synamalardan ótti.

Jarys qorytyndysy boıynsha 9-10 jas aralyǵynda J.Tákimova, B.Sálimjan, 11-13 jas boıynsha V. Qudaıbergenova men A.Bekarys, 14-15 jas ereksheligi boıynsha A.Muhamedjan, Á.Tashqarbaev, 16-17 jas aralyǵynda N. Qaıyrjanqyzy, T.Nurbek top jardy. Al, 18-23 jasta B.Revshenova, A.Alpysbaev, 24-31 jasta I.Baımahanova, A.Septesin, 32-39 jasta A.Ahatov pen S.Týrsynbekova, 40-49 jasta Q.Qulmahanbetov, D.Bekbosyn, 50-59 jas arasynda A.Turapbaev, L.Sadyqova jeńimpaz atandy.

Joǵarydaǵy sport túrlerinen jeńimpaz atanǵan sportshylardan oblystyq irikteý jarystaryna aýdan quramasy jasaqtaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir