• USD 389.52
  • EUR 429.21
  • RUB 6.07
  • CNY 54.94
17 Qazan, 12:05:19
Prezıdenttik jastar kadr rezervine irikteýdiń kelesi kezeńine 904 qatysýshy ótti

21 Qyrkúıek, 2019 Aımaqtar

Týǵan ólkeniń tarıhy qymbat

Áýlıeadadaǵy mektep olımpıadalaryn jáne mektepten tys is-sharalardy ótkizetin oblystyq ortalyqta «О́z ólkeńniń tarıhyn bilesiń be?» atty baıqaý ótti.

Jambyl oblysy ákimdigi bilim basqarmasynyń uıytqy bolýymen ótken shara «Rýhanı jańǵyrý» baǵdarlamasy aıasynda uıymdastyryldy. Básekege 8-10-synyp oqýshylary arasynda aýdandyq, qalalyq baıqaýlardyń jeńimpazdary qatysyp, ózara oı jarystyrdy. Jıynnyń ashylý saltanatynda oblystyq bilim basqarmasyna qarasty oblystyq oqý-ádistemelik kabıneti basshysynyń orynbasary Bıgeldi Tájibaev sharanyń maqsaty oqýshylardyń týǵan ólke tarıhyn bilýge degen tanymdyq qyzyǵýshylyqtaryn arttyrý, zertteýshilikke yntalandyrý ekendigin jetkizip, qatysýshylarǵa sáttilik tiledi.

– Qazaqstannyń damýynda, onyń rýhanı nyǵaıýynda Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynda kórsetilgen «Rýhanı jańǵyrý» baǵdarlamasyn iske asyrý úlken mańyzǵa ıe. Baǵdarlamanyń «Qazaqstannyń kıeli jerleri» baǵytynda «mádenı-geografııalyq beldeý» týraly, osy beldeýdiń róli men oǵan enetin oryndar týraly, jat ıdeologııalardyń áserinen qorǵanys retinde, ulttyq maqtanysh retinde árbir qazaqstandyq bilýi úshin oqý-aǵartý daıyndyǵyn júrgizý qajettigi týraly aıtylǵan. Osy oraıda oblys ákiminiń hattamalyq tapsyrmasy da bar, – dedi B.Tájibaev.

Munan soń bilimderimen oza shaýyp, kóptiń ishinen iriktelip kelgen oqýshylar baıqaýdyń alǵashqy «О́z ólkeńniń tarıhyn bilesiń be?» atty kezeńin bastap ketti. Onda qatysýshylarǵa óńirdiń tarıhy týraly test tapsyrmalary berildi. Sondaı-aq sharanyń qorytyndy «Týǵan ólke – tunǵan tarıh» atty ekinshi bóliminde oqýshylar zertteý jumystaryn vıdeoprezentasııa arqyly jetkizdi. О́z kezeginde qatysýshylardyń bilimine M.H.Dýlatı atyndaǵy TarMÝ «Qazaqstan tarıhy» kafedrasynyń dosenti Seıdahan Baqtorazov pen TarMPÝ «Qazaqstan tarıhy» kafedrasynyń aǵa oqytýshysy Baǵymkúl Qozykeeva ózindik baǵalaryn berip otyrdy.

Jalpy baıqaý barysynda oqýshylar oblys aýdandary men Taraz qalasynyń tarıhı-mádenı nysandary, arheologııalyq eskertkishteri, oblys tarıhy, týǵan ólkeden shyqqan tanymaly saıası jáne qoǵam qaıratkerleri, aqyn-jazýshylar, ǵalymdar, sportshylar, tarıhı oqıǵalar jaıly bilimderin kórsetip, ǵylymı izdenis jumystarynyń nátıjesimen bólisti.

Baıqaý nátıjesi boıynsha I oryndy Taraz qalalyq №30 mektep-gımnazııasynyń 10-synyp oqýshysy Dılıara Átirbaeva enshiledi. Jambyl aýdany B.Momyshuly atyndaǵy mektep-gımnazııasynyń 10-synyp oqýshysy Erkemaı Qaırat pen Shý aýdany M.Áýezov atyndaǵy orta mekteptiń 9-synyp oqýshysy Aıajan Nurmahan II oryndy ózara bólisti. T.Rysqulov aýdany B.Momyshuly atyndaǵy orta mekteptiń 9-synyp oqýshysy Sabına Bekquly, Sarysý aýdany J.Otarbaev atyndaǵy orta mekteptiń 9-synyp oqýshysy

Aıaýlym Jańabaı jáne Shý aýdany Sh.Ýálıhanov atyndaǵy orta mekteptiń 10-synyp oqýshysy Injý Muqataı júldeli III orynǵa qol jetkizdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir