Mal sharýashylyǵyn damytý-mańyzdy baǵyt

Jýyrda Jambyl oblysynyń ákimi Asqar Myrzahmetov Úkimet otyrysynda qosalqy sharýashylyqty damytý boıynsha jańa pılottyq jobany kópshiliktiń nazaryna usynǵan bolatyn. Baıandy bastama Úkimet músheleri tarapynan qoldaý tapty da. О́ıtkeni, jańa joba Elbasy N.Nazarbaevtyń, Memleket basshysy Q.Toqaevtyń shaǵyn jáne orta kásipkerlikti damytý týraly tapsyrmalarymen sabaqtastyryla ázirlengen. Bul turǵyda «Eńbek» nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan memlekettik baǵdarlamasynyń tıimdilikteri de tolyq eskerilgen.

Pılottyq jobada mal sharýashylyǵyn damytý máselesi de tolyq qamtylǵan. Jasyratyny joq, búginde aýladaǵy mal sharýashylyǵy, onyń da tıimdiligi az. Ne bári aýlalardyń 56 paıyzynda ǵana mal bar, biraq ónimdiligi óte tómen. Bunyń birden-bir sebebi jem shóptiń, jaıylymnyń jetispeýinde jáne rasıonnyń qunarsyzdyǵynda.

Qosalqy sharýashylyqtyń bul baǵytynyń tıimdiligin kóterý úshin, aýlalardyń múmkinshiligin eskere otyryp, 44 myń mal-qus satyp alynady.

Qoldaǵy jáne satyp alynatyn mal-qusty tıisti jem-shóppen qamtamasyz etý úshin, turǵyndardyń aýyl syrtyndaǵy paılyq jerleri paıdalanatyn bolady. Ol boıynsha da tıisti sanaq jáne turǵyndardyń kelisimi bar.

Kooperatıv jem-shóppen qamtamasyz etýden bólek, maldy asyldandyrý úshin qoldan uryqtandyrý beketin ashady jáne qus sharýashylyǵyna ınkýbatorlar satyp alady. Nátıjesinde mal óniminiń kólemi keminde 2-3 esege, qustiki- 11 esege kóbeedi. Bul maqsatqa baǵyt boıynsha 3,5 mıllıard teńge qajet.

Sonymen qatar aýyl syrtyndaǵy paı úlestik jerlerdi, bir jaǵynan, tıimdi paıdalaný úshin, ekinshi jaǵynan, qosalqy sharýashylyqtaǵy mal-qusty jem-shóppen qamtamasyz etý úshin kooperatıvke 40 traktor, 182 qosalqy qondarǵylar, 36 shóp-egin jınaıtyn tehnıkalar satyp alynbaq.

Sondaı-aq, 273 tonna malazyǵy daqyldarynyń tuqymy, 684 tonna tyńaıtqysh jáne 8 tonna pestısıdter satyp alynady. Osy maqsatta, turǵyndardyń kelisimine sáıkes 4 351 gektar paı úlestik jerler biriktirilip, 19 myń tonna shóp, 7 myń tonna jem, 2 myń tonna súrlem óndirý josparlanyp otyr.

Ejelden tóskeıdi tórt túlikke toltyryp, yrysqa kenelgen halqymyz úshin mal sharýashylyǵy tańsyq emes. Tek uıymdastyrý jumystary retteı bilgen abzal. Bul turǵyda qosalqy sharýashylyqty damytý týraly pılottyq jobanyń bereri mol bolmaq.