Jambyl aýdanynyń óndirisi óristep keledi

Búginde óńirlerdiń áleýetin arttyrý baǵytynda az jumystar jasalyp jatqan joq. Eldiń eńsesin tikteý úshin túrli memlekettik baǵdarlamalar jandanyp, el ıgiligine jaraýda. Bul sóz joq Memleket basshysy Qasym-Jomart Toqaevtyń syndardy saıasatynyń bir kórinisi. Mundaı ıgi bastamalar kıeli Áýlıeata óńirinde de kósh ilgeri dep jazady Qamshy.kz aqparat agenttigi. Máselen jambyl oblysy Jambyl aýdannyń bıylǵa jalpy shyǵarylǵan ónim kólemi 35 mıllıard 998,3 mln teńgeni qurap, 2018 jyldyń tıisti kezeńimen salystyrǵanda 126,9 paıyzǵa asqan.

О́nerkásip salasynda 11 mıllıard 134,5 mıllıon teńgege ónim óndirilgen. Bul kórsetkish 2018 jyldyń tıisti kezeńimen salystyrǵanda 220,6 paıyzdy qurady. «Amangeldi gaz óńdeý zaýyty» JShS 6 mıllıard 398,3 mıllıon teńgege 49,9 myń tonna ónim óndirdi.

«KnaýfGıpsTaraz» JShS-de 740,8 mıllıon teńgege 352,1 myń tonna gıps ónimderi óndirildi nemese 100,6 paıyzǵa jetti. «BınomStroıDetal» JShS 135,2 mıllıon teńgege 13,2 myń tonna temirbeton buıymdaryn shyǵardy nemese ótken jyldyń tıisti kezeńimen salystyrǵanda 126 paıyzǵa oryndaldy.

«Sýperfarm» JShS 380,3 mıllıon teńgege 2 747 myń dana matadan jasalmaıtyn medısınalyq buıymdar shyǵardy.

«KazÝpakTreıd» JShS-de 57,1 mıllıon teńgege 5,7 myń tonna gıps ónimderi óndirildi.

Qazaqstan Respýblıkasyn ındýstrııalyq-ınnovasııalyq damytýdyń 2015 - 2019 jyldarǵa arnalǵan memlekettik baǵdarlamasy aıasynda 2019 jylǵa Kásipkerlikti damytý kartasyna 2 jobany engizý josparlanǵan.

Aıshabıbi aýyldyq okrýginen «SýperFarm» JShS-niń «Bir rettik medısınalyq buıymdar shyǵaratyn zaýytynyń kólemin keńeıtý» qurylysyn iske asyrý jobasynyń quny shamamen 3,5 mıllıard teńge. Jer kólemi – 1,5 gektar. 250 adam jumyspen qamtylatyn bolady. Qazir qurylys-montaj jumystary júrgizilýde. Paıdalanýǵa berý merzimi – 2019 jyldyń qarasha aıy. Joba Jambyl oblysynyń Indýstrııalandyrý kartasyna engizilgen.

Árıne bul alaqan alqyzyl túske engenshe alaqaılap qýanatyn nárse. Sebebi turǵyndardyń turmysynyń túzelýi eń birinshi óńir, ólke ekonomıkasynyń qaryshtap damyp jatqanyn aıǵaqtaıdy. Sondyqtan Jambyl aýdanynda jasalyp jatqan ıgi tirlikterge tek sáttilik tileımiz!