• USD 389.52
  • EUR 429.21
  • RUB 6.07
  • CNY 54.94
14 Qazan, 05:40:57
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

21 Qyrkúıek, 2019 Aımaqtar

Jańatasta jemisti jobalar jeterlik

Bıyl jartyǵasyrlyq belesine aıaq bastan Jambyl oblysyndaǵy Jańatas qalasynyń tarıhynda aıryqsha sátter óte kóp. Mysaly, 1968 jyly Jańatasqa ultymyzdyń birtýar perzenti, respýblıkamyzdyń birinshi basshysy-Dinmuhanbet Qonaevtyń kelip, kóptegen túıindi máselelerdiń jedel sheshilýine pármendi yqpal jasaýy kónekóz qarııalardyń kúni búgingideı kóz aldynda.

Sóıtip keler jyly, ıaǵnı 1969 jyly 25 maýsymda Jańatas poselkasyna qala statýsy berilgendigi jóninde Jarlyq shyqty. Bul kezde qala halqynyń sany-12 000 ǵa jetken edi.

Alǵa qaraı qaryshty damyǵan "Qarataý" kombınaty, kóptegen qurylys mekemeleri jas qalanyń qanat jaıýyna úlken yqpal etti. Jańa aýrýhana, 8 mektep, 26 balabaqsha, kınoteatr, mádenıet úıi, baılanys úıi sekildi nysandar el ıgiligi úshin qyzmet etti. 1971 jyly «Qarataý» kombınaty úzdik jetistikteri úshin Lenın ordenimen marapattalyp, kóptegen kenshiler orden, medal aldy.

1989 jyly qala halqynyń sany 57 myńǵa jetti. Sol jyly Jańatas qalasy jetistikterge jetkeni úshin respýblıka boıynsha birinshi oryndy ıelenip, aýyspaly Qyzyl Tý men úlken aqshalaı syılyqqa ıe boldy.

Toqsanynshy jyldardyń basynan bastalǵan toqyraý sharpyny qalamyzǵa aýyr áser etti. Alyp Odaqtyń ydyraýy elimizge ońaı tıgen joq. Qalany ustap turǵan kombınattyń ónimi kúrt tómendedi.

Jalaqylar aılap berilmedi. Kenshiler ereýili, ashtyq jarııalaý sekildi narazylyqtar etek aldy. Respýblıkalyq deńgeıdegi basshylar qalaǵa birneshe ret keldi. Kúrmeýi qıyn kúrdeli máselelerdi sheshý joǵary basshylyqqa biraz salmaq saldy.

Munyń barlyǵy halyqqa ońaı tıgen joq. Qala turǵyndarynyń basym kópshiligi ózge aımaqtarǵa qonys aýdardy. 2000 jyly Jańatas qalasynda 16100-deı ǵana halyq qaldy. Kóp qabatty úılerdiń basym kópshiligi bosap qaldy. Desek te, ýaqyt óte kele respýblıka basshylyǵy tarapynan qoldaý kórsetile bastady. Qalanyń alǵashqy ákimi-Iten Álimtaev, odan keıin kelgen aýdan basshylary, kórnekti óndiris uıymdastyrýshylary aýdannyń ekonomıkalyq-áleýmettik máselelerin sheshýge bar kúsh-jiger, qaırattaryn jumsady.

Sonyń nátıjesinde jalpy hal-aqýal ońǵa basty. Kásipkerlik sala óris ala bastady. Bosap qalǵan kópqabatty úıler qaıta jóndeýden ótip, kezekte turǵan azamattarǵa berildi. Qala ishin abattandyrý jumystary qarqyndy júrdi. Jabylǵan balabaqshalardyń birazy búldirshinderge esigin qaıta ashty. Jylý júıeleri kúrdeli jóndeýden ótti.

Táýelsizdigimizdiń arqasynda elimiz eńselenip, álemdik arenada erkin kórine bastady. Osynaý alyp elimizdiń bir bólshegi Sarysý aýdany da, onyń ortalyǵy Jańatas ta qazirgi tańda úlken damý jolynda. Sheteldik ınvestorlar kele bastady. Búginde «Qarataý» taý-ken óńdeý kesheni men «Evrohım» kompanııalarynyń iske asyryp jatqan ınvestısııalyq jobalary áleýmettiń áleýetin arttyryp qana qoımaı, tutas aımaqtyń ekonomıkalyq turǵydan órleýine óris ashyp otyr. Budan ózge de aýyz toltyryp aıtýǵa turarlyq jemisti jumystar jeterlik. Ásirese, monoqalalardy damytýdyń 2012-2020 jylǵa

deıingi baǵdarlamasynyń nátıjesinde tirligin tiktep jatqan kásipkerlerdiń de bastamalary kópke úlgi. Bul, árıne, aýqymdy jumystardyń bir parasy ǵana. Aldaǵy maqsattar da aıqyn.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir